મોરબીમાં નકલી દૂધ-નકલી પનીરનું વેચાણ થતું હોવાનું ગ્રાહક સુરક્ષા મંડળે કરી કમિશનરને રજૂઆત
Morbi Today
મોરબીમાં ફાયરના વાહનોમાં ઝડપથી પાણી ભરી શકાય તે માટે નવા 5 પોઈન્ટની વ્યવસ્થા ઊભી કરાઇ
SHARE
JOIN OUR GROUP
મોરબીમાં ફાયરના વાહનોમાં ઝડપથી પાણી ભરી શકાય તે માટે નવા 5 પોઈન્ટની વ્યવસ્થા ઊભી કરાઇ
મોરબી મહાનગરપાલિકાના છેવાડાના વિસ્તારોમાં આગ કે ઇમરજન્સી સમયે ત્વરિત કામગીરી માટે મોરબી મહાપાલિકા દ્વારા નવા પાંચ સ્થળોએથી ફાયરના વાહનોમાં પાણી ભરી શકાય તે માટે વોટર પોઈન્ટ્સની વૈકલ્પિક વ્યવસ્થા ઉભી કરવામાં આવેલ છે.
મોરબી મહાનગરપાલિકા અગ્નિશમન શાખા દ્વારા છેલ્લા અઠવાડિયામાં 3 સરકારી કચેરીના 34 કર્મચારી અને 1 હોસ્પિટલમાં 25 કર્મચારીને ફાયર પ્રિવેન્શનની ટ્રેનિંગ આપવામાં આવી હતી અને વધુ પ્રિવેન્શનના ભાગ રૂપે સમાજવાડી, કોમ્પ્લેક્ષ અને ઇન્ડસ્ટ્રીઝ જેવી બિલ્ડીંગનું ફાયર સેફ્ટી સર્ટિફિકેટનું ચેકિંગ હાથ ધરવામાં આવ્યું હતું આ ઉપરાંત મોરબી શહેરના વિસ્તરણને ધ્યાને રાખીને છેવાડાના વિસ્તારોમાં કયારેય પણ આગ જેવી આકસ્મિક દુર્ઘટના કે કટોકટીનો સમય આવે ત્યારે બચાવ કામગીરી ઝડપી બને તે માટે મોરબી મહાનગરપાલિકા દ્વારા આગોતરું આયોજન કરવામાં આવ્યું છે. અને ફાયર ફાઈટરોને પાણી ભરવા માટે લાંબો સમય ન બગકે અને સમયસર આગ પર કાબૂ મેળવી શકાય તે હેતુથી શહેરના જુદા જુદા છેવાડાના વિસ્તારોમાં વૈકલ્પિક પાણી ભરવા માટેના સ્ટેન્ડબાય સ્ત્રોત કાર્યરત કરવામાં આવ્યા છે. જે નવા વોટર પોઈન્ટ્સમાં શોભેશ્વર રોડ પાણીનો સંપ, ઘુનડા રોડ પાણીનો સંપ, લીલાપર પાણીનો સંપ, સુરજબાગ પાણીનો સંપ અને પીપળી રોડ પાણીનો સંપનો સમાવેશ થાય છે.
