મોરબીના વાવડી રોડે રહેતા વૃદ્ધાને મરવા મજબુર કરવાના કેસમાં ૩ મહિલા સામે કાર્યવાહી, ૩ ને શોધવા કવાયત
Morbi Today
ટંકારાના મેઘપર ઝાલા ગામે જમીન માપણીના વિવાદમાં તાલુકા ભાજપના ઉપપ્રમુખ અને તેના ભત્રીજાની હત્યા
SHARE
JOIN OUR GROUP
ટંકારાના મેઘપર ઝાલા ગામે જમીન માપણીના વિવાદમાં તાલુકા ભાજપના ઉપપ્રમુખ અને તેના ભત્રીજાની હત્યા
ટંકારાના મેઘપર ઝાલા ગામે વાડીની જમીન માપણીનો પ્રશ્ને હતો અને આ વિવાદમાં કાકા અને ભત્રીજાની હત્યા કરવામાં આવેલ છે જેથી નાના એવા ગા અને ટંકારા તાલુકામાં ચકચાર મચી ગઇ છે અને આ બનાવની જાણ થતા ટંકારા તાલુકા પોલીસની ટીમ તાત્કાલિક ઘટના સ્થળે પહોંચી હતી અને ગામમાં ચુસ્ત બંદોબસ્ત ગોઠવી દેવામાં આવ્યો છે અને બંને મૃતક વ્યક્તિઓના મૃતદેહને પીએમ માટે ટંકારાની સરકારી હોસ્પિટલ ખાતે લઈ જવામાં આવેલ છે અને આ બનાવ સંદર્ભે મૃતક વ્યક્તિઓના પરિવારજનની ફરિયાદ લેવા માટેની તજવીજ હાથ ધરવામાં આવી છે.
ટંકારાના મેઘપર ઝાલા ગામે વાડીએ જમીન માપણી બાબતે ઝઘડો થયો હતો અને આ ઝઘડાએ ઉગ્ર રૂપ ધારણ કરી લીધું હતું અને ત્યાર બાદ થયેલ માથાકૂટમાં જયપાલસિંહ પ્રતાપસિંહ ઝાલા (40) અને તેના ભત્રીજા હર્ષવર્ધનસિંહ દિગ્વિજયસિંહ ઝાલા (21)ને તીક્ષ્ણ હથિયારના ઘા ઝીકિ દેવામાં આવ્યા હતા જેથી કરીને બંનેની મોત નીપજયું હતું અને જમીન માપણીનો વિવાદ બેવડી હત્યામાં પલટાયો હતો. ત્યાર બાદ બંનેના મૃતદેહને પીએમ માટે ટંકારાની સિવિલ હોસ્પિટલ ખાતે લઈને આવ્યા હતા
મેઘપર ઝાલા ગામે ડબલ મર્ડરની જાણ થતાં ટંકારા પોલીસે ઘટના સ્થળે પહોચી હતી અને ગામમાં બંદોબસ્ત રાખી દેવામાં આવ્યો હતો. અને આ બનાવની જાણ થતાં ટંકારા સરકારી હોસ્પિટલ ખાતે રાજકીય અને સામાજિક આગેવાનો દોડી આવ્યા હતા. અને ટંકારા તાલુકાનાં નાના એવા મેઘપર ઝાલા ગામે કાકા અને ભત્રીજાનિ નિર્મમ હત્યા કરવામાં આવતા ચકચાર મચી ગયેલ છે. અને આ બનાવ સંદર્ભે પોલીસે ફરિયાદ લેવા માટેની તજવીજ હાથ ધરી છે.
વધુમાં જાણવા મળતી માહિતી મુજબ મૃતક જયપાલસિંહ ઝાલા ટંકારા તાલુકા ભાજપના ઉપપ્રમુખ છે અને તેઓની વાડીની જમીનની માપણી કરવા માટે થઈને આવ્યા હતા ત્યારબાદ જમીનની માપણીનું કામ પૂરું કરીને ખુટા મારવામાં આવ્યા હતા જેથી કરીને જયપાલસિંહે પાડોશમાં ખેતર ધરાવતા ખેડૂતને ફોન કરીને સ્થળ ઉપર બોલાવ્યા હતા ત્યારે પાડોશમાં ખેતર ધરાવતા બે સગા ભાઈ ત્યાં આવ્યા હતા અને તેઓ હથિયાર સાથે જ સ્થળ ઉપર આવેલ હતા અને જયપાલસિંહ અને તેના ભત્રીજાની સાથે બોલાચાલી ઝઘડો કરીને તીક્ષ્ણ હથિયારના ઘા માર્યા હતા. જેથી જયપાલસિંહ અને તેના ભત્રીજાનું મોત નીપજ્યું છે
