વાંકાનેરના કોટડાનાયાણી ગામે જુગાર રમતા પાંચ શખ્સ પકડાયા

વાંકાનેર તાલુકાના કોટડાનાયાણી ગામે જાહેરમાં જુગાર રમતા હોવાની બાતમી મળી હતી જેના આધારે રેડ કરી હતી ત્યારે પાંચ શખ્સો જુગાર રમતા મળી અવાયા હતા જેથી કરીને પોલીસે ૧૧,૩૯૦ ની રોકડ સાથે તેની ધરપકડ કરી હતી.

જાણવા મળતી માહિતી મુજબ વાંકાનેર તાલુકા પોલીસની ટીમ પેટ્રોલીંગમાં હતી ત્યારે બાતમી આધારે કોટડાનાયાણી ગામે રેડ કરી હતી. તે સમયે જુગાર રમતા અમજાન ઉર્ફે પીન્ટુ સમા (૩૨), ઉમર આમદ ચાનિયા (૫૪), ઇમ્તિયાજ જુસબ સુમરા (૩૦), ગીરીરાજસિંહ શક્તિસિંહ જાડેજા (૪૦) અને અનવર હાજી સુમરા (૩૫) મળી આવ્યા હતા જેથી પોલીસે તેની પાસેથી ૧૧,૩૯૦ ની રોકડ કબજે કરી હતી અને વાંકાનેર તાલુકા પોલીસ સ્ટેશને ગુનો નોંધીને આગળની કાર્યવાહી કરેલ છે.