મોરબીના ઝીકીયારી ગામમાં માતા અને બહેનની હત્યા કરનાર આરોપીને આજીવન કેદ

મોરબીના ઝીકીયારી ગામે યુવાને તેની માતા અને બહેનની રસોઈ બનાવવા બાબતે બોલાચાલી કરી હતી. જેની ફરિયાદ આધારે ગુનો નોંધીને આરોપીને પકડીને આગળની કાર્યવાહી કરી હતી અને આ બેવડી હત્યાનો કેસ કોર્ટમાં ચાલી ગયો હતો જેમાં કોર્ટે આરોપીને આજીવન કેદની સજા ફટકારી છે.

જે કેસની સરકારી વકીલ પાસેથી મળેલ માહિતી મુજબ તા. 8-11-20 ના રોજ ઝીકીયારી ગામે રહેતા દેવશીભાઈ નામના યુવાને તેની માતા કસ્તુરબેન અને બહેન સંગીતાની ધારિયાના ઘા મારીને હતી કરી હતી અને રસોઈ બનાવવા બાબતે યુવાને તેની માતા અને બહેનની સાથે બોલાચાલી કરીને ઘારીયાના ઘા મારીને બંનેની હત્યા કરેલ છે જેથી કરીને બેવડી હત્યાની ફરિયાદ નોંધાયેલ હતી જેના આધારે આરોપી દેવશીભાઈ સવજીભાઈ ભાટિયાની ધરપકડ કરી હતી આ હત્યાનો કેસ આજે મોરબીના પ્રિન્સીપાલ ડીસ્ટ્રીકટ એન્ડ સેશન્સ જજ ની કોર્ટમાં ચાલી ગયો હતો જેમાં જીલ્લા સરકારી વકીલ વિજ્યકુમાર જાનીએ કરેલ દલીલ તેમજ 18 મૌખીક અને 29 દસ્તાવેજી પુરાવા રજુ કર્યા હતા જેને ધ્યાને લઈને કોર્ટે આરોપી દેવશીભાઈ ઉર્ફે કાળુભાઈ સવજીભાઈ ભાટિયાને હત્યાના કેસમાં આજીવન કેદની સજા અને 10 હજારનો દંડ કર્યો છે અને જો દંડ ન ભારે તો વધુ 60 દિવસની સાદી કેદની સજા ફટકારી છે.