મોરબીમાં બાઈક સ્લીપ થયા બાદ રાજકોટ ખસેડાયેલા યુવાનનું સારવાર દરમ્યાન મોત મોરબીના કલેકટરે છત્તર ગ્રામ પંચાયત, આરોગ્ય કેન્દ્ર, આંગળવાડી અને પ્રાથમિક શાળાની લીધી મુલાકાત માળીયા-હળવદ શહેર અને મોરબી ગ્રામ્ય વિસ્તારમાં નવી સરકારી અનાજની દુકાનો ખોલવા માટે અરજીઓ મંગાવાઈ મોરબીની મહેન્દ્રનગર ચોકડીએ ૫૬ કરોડના ખર્ચે બનશે ૭૫૦ મીટર લાંબો ફ્લાયઓવર NABARD અને કેન્દ્ર-રાજ્ય સરકારના સહયોગથી મોરબીની PACS માં ડિજિટલ ભારતનું સ્વપ્ન સાકાર મોરબીમાં યુવા ઉદ્યોગપતિ જગદિશ પનારાના ઘરે રાજકુમારદાસજી મહારાજે કરી પધરામણી દિવાળીએ અનોખું અભિયાન: મોરબીના નાના વેપારીઓ પાસેથી યંગ ઇન્ડિયા ગ્રુપે કરી દિવાળીની ખરીદી મોરબીમાં ખાણી પીણીના ૯૫ ધંધાર્થીઓને ત્યાં મનપાનું ચેકિંગ: બળી ગયેલ તેલ, વાસી પાસ્તા, એક્સપાયરી ડેટ વાળા ચોકો ચિપ્સ, ચવાણા અને ચોરાફરીનો કર્યો નાશ

Breaking news

Morbi Today

મોરબીના ચકમપર ગામે વાડીએ ઝેરી દવા પી ગયેલા મહિલા સારવારમાં

04-01-2024 11:20 AM

મોરબીના ચકમપર ગામે વાડીએ ઝેરી દવા પી ગયેલા મહિલા સારવારમાં

મોરબી તાલુકાના ચકમપર ગામે વાડી વિસ્તારમાં રહેતી મહિલા કોઈ કારણોસર ઝેરી દવા પી ગઈ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા જ્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરી હતી

બનાવની જાણવા મળતી માહિતી પ્રમાણે મોરબી તાલુકાના ચકમપર ગામે મગનભાઈ પટેલની વાડીએ રહેતા ગંગાબેન વિદેશભાઈ વાઘલા (૨૧) નામની મહિલાએ કોઈ કારણોસર ઝેરી દવા પી લીધી હતી જેથી તેને ૧૦૮ મારફતે સારવાર માટે પ્રથમ જેતપર ગામે આવેલ સામૂહિક આરોગ્ય કેન્દ્ર ખાતે લઈને આવ્યા હતા ત્યાં તેને પ્રાથમિક સારવાર આપીને મહિલાને મોરબીની મંગલમ હોસ્પિટલે સારવાર માટે લઈને આવ્યા હતા અને ત્યાં તેને સારવાર આપીને મોરબી તાલુકા પોલીસને બનાવની જાણ કરતા પોલીસે બનાવી નોંધ કરી આગળની કાર્યવાહી કરેલ છે અને આગળની વધુ તપાસ જે.બી. પરમાર ચલાવી રહ્યા છે

અકસ્માતમાં ઇજા

મોરબી નજીકના જુના સાદુળકા ગામે રહેતા ધનુબેન ભરતભાઈ હળવદિયા (૪૯) નામના મહિલા બાઇકમાં પાછળ બેસીને પોતાના ઘરેથી ખેતર તરફ જઈ રહ્યા હતા ત્યારે રસ્તામાં કોઈ કારણોસર તે બાઈકમાંથી નીચે પડી જતા તેઓને ઇજા થઈ હતી જેથી તેને સારવાર માટે મોરબીની ખાનગી હોસ્પિટલમાં લઈ ગયા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી આ બનાવની વધુ તપાસ મોરબી તાલુકા પોલીસ સ્ટેશનના મનીષભાઈ બારૈયા ચલાવી રહ્યા છે

માર મારીમાં ઇજા

મોરબીના રફાળેશ્વર ગામે આંબેડકરનાગર રોડ ઉપર રહેતા ગોપાલસિંગ બલરામસિંગ (૧૮) નામના યુવાને રફાળેશ્વર મંદિર પાસે થયેલ મારામારીના બનાવમાં ઇજા થઈ હતી જેથી તેને તેના પિતા સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યારે તેને સારવાર આપીને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે અને આ બનાવની વધુ તપાસ મહેશભાઈ કહાંગરા ચલાવી રહ્યા છે

આરોપી પકડાયો

મોરબી તાલુકા પોલીસ સ્ટેશન ખાતે અકસ્માતનો ગુનો નોંધાયો હતો જે ગુનામાં મોરબી તાલુકા પીએસઆઇ બી.એમ. બગડા અને રાઇટર વાસુદેવભાઈ સોનાગ્રા દ્વારા આરોપી કમલેશપ્રસાદ શ્રીરાજભાણ પ્રસાદ (૪૨) રહે. મૂળ એમપી વાળાની ધરપકડ કરી આગળની કાર્યવાહી હાથ ધરવામાં આવી છે