મોરબીના ઉમિયા સર્કલે ૫૦ કરોડના ખર્ચે બનશે ઓવરબ્રિજ

મોરબીના જુદાજુદા વિસ્તારમાં ટ્રાફિકની સમસ્યાને ઉકેવા માટે ઓવરબ્રિજ ધડોધડ મંજૂર કરવામાં આવે છે ત્યારે મોરબીના ઉમિયા સર્કલ પાસે ટ્રાફિકની સમસ્યાને ઉકેલવા માટે ઓવરબ્રિજની માંગ કરી હતી જેને ધ્યાને લઈને હાલમાં શનાળા રોડ ઉપર આવેલ ઉમિયા સર્કલે ૫૦ કરોડના ખર્ચે ઓવરબ્રિજ મંજૂર કરવામાં આવેલ છે જેથી ત્યાં ટ્રાફિક સહિતના જે પ્રશ્નો છે તે આગામી દિવસોમાં ભૂતકાળ બની જશે

મોરબીના દરેક વિસ્તારમાં ટ્રાફિક સમસ્યા છે ત્યારે ટ્રાફિકના પ્રશ્ને ઉકેલવા માટે ઓવરબ્રિજ મંજૂર કરીને બનાવવામાં આવી રહ્યા છે ત્યારે મોરબીના સામાજિક કાર્યકર હસમુખભાઈ ગઢવી અને સાંસદ સભ્ય મોહનભાઇ કુંડારિયા દ્વારા મોરબીના ઉમિયા સર્કલ ખાતે ઓવરબ્રિજ માટે સરકારમાં રજુઆત કરી હતી જેને ધ્યાને રાખીને શનાળા રોડ ઉપર આવેલ ઉમિયા સર્કલ પાસે આવેલ ૫૦ કરોડના ખર્ચે ઓવરબ્રિજ મંજૂર કરવામાં આવેલ છે અને ગુજરાત મ્યુનિસિપલ ફાઇનાન્સ બોર્ડ દ્વારા મોરબી નગરપાલિકાના આ નવા પ્રોજેકટ માટે રાજકોટ પ્રાદેશિક નગરપાલિકા કચેરીને પાંચ કરોડની ગ્રાન્ટ ફાળવી દેવામાં આવી છે જેથી ટૂંક સમયમાં ઉમિયા સર્કલે ઓવરબ્રિજનું કામ શરૂ કરવામાં આવે તેવી શક્યતા છે