મોરબીના કંડલા બાયપાસે કિષ્ના પાન દુકાનમાંથી આયુર્વેદિક શંકાસ્પદ ૧૩૫ શીરપની બોટલ ઝપડાઈ

મોરબીના કંડલા બાયપાસ રોડે આવેલ ક્રિષ્ના હોટલ પાસે આવેલા કિષ્ના પાનના ગલ્લામાંથી આયુર્વેદિક શંકાસ્પદ કેફી પ્રવાહીની શીરપની બોટલનું વેચાણ થતું હોવાની માહિતી મળી હતી જેના આધારે પોલીસે ત્યાં તપાસ કરી હતી ત્યારે ત્યાંથી ૧૩૫ બોટલ મળી આવી હતી જેથી પોલીસે ૨૧,૦૦૦ નો માલ કબજે કરેલ છે  

મોરબી સીટી એ ડીવીઝન વિસ્તારમા સ્ટાફ પેટ્રોલીંગમા હતો ત્યારે ખાનગી રાહે હકિકત મળી હતી મોરબી કંડલા બાયપાસ ઉપર આવેલ ક્રિષ્ના હોટલના કિષ્ના પાનના ગલ્લામાંથી ભોગીલાલ નરોતમભાઇ ખણુસીયા જાતે પટેલ રહે. વાવડીરોડ નંદનવન સોસાયટી ભાડાના મકાનમાં મોરબી મુળ રહે. વિશલવાસા તાલુકો પાટણ અને નિલેષભાઇ ગગુભાઇ ચાવડા જાતે આહીર રહે. ઉમીયા સર્કલ પાછળ યદુનંદન-૨ મોરબી વાળા નસીલી શિરપની બોટલ વેચે છે જેના જેના આધારે ત્યાં ચેક કરવામાં આવ્યું હતું ત્યારે તેની પાસેથી અલગ અલગ કંપનીની આયુર્વેદીક શંકાસ્પદ કેફી પ્રવાહી શીરપની ૧૩૫ બોટલ મળી આવી હતી જેથી પોલીસે ૨૧૦૦૦ નો જથ્થો કબજે કરેલ છે અને આગળની કાર્યવાહી કરેલ છે આ કામગીરી પીઆઇ એચ.એ. જાડેજાની સૂચના મુજબ આર.પી. રાણા, એ.પી.જાડેજા, કિશોરભાઇ મિયાત્રા, ચકુભાઇ કરોતરા, ધર્મેન્દ્રભાઇ વાધડીયા, તેજાભાઇ ગરચર, અરજણભાઈ ગરીયા, હિતેષભાઇ ચાવડા, સિધ્ધરાજભાઇ લોખીલે કરી હતી