હળવદમાં સગીરા સાથે દુષ્કર્મ આચારીને કુંવારી માતા બનાવનારા આરોપીની ધરપકડ

મોરબી જિલ્લાના હળવદ તાલુકામાં સમાજ માટે લાલબતી સમાન કિસ્સો સામે આવેલ છે જેમાં સગીરાની તેના પરિવારે સામસામી સગાઈ કરાવી હતી જો કે, કોઈ કારણોસર સગાઈ તૂટી ગયેલ છે પરંતુ સગાઇ થયા તેની સાથે યુવાને શરીર સંબંધ બાંધ્યો હતો જેથી તેને ગર્ભ રહી ગયો હતો અને તે સગીરાએ બાળકને જન્મ આપેલ છે ત્યારે હાલમાં કુંવારી માતા બનેલ સગીરાના પરિવારજને દુષ્કર્મ આચારનારની સામે ફરિયાદ નોંધાવી હતી જેના આધારે પોલીસે આરોપીની ધરપકડ કરેલ છે

જાણવા મળતી માહિતી મુજબ હળવદ તાલુકામાં રહેતા પરિવારના દીકરી અને દીકરીની સગાઈ તેના જ સમાજના પરિવારના યુવક-યુવતી સાથે સમસાટું (સામે સામે) કરવામાં આવી હતી જો કે, કોઈ કારણોસર તે સગીરા અને તેના ભાઈની જે યુવક અને યુવતી સાથે સગાઈ કરવામાં આવી હતી તે સગાઈ તૂટી ગઈ હતી જો કે, સગારીની સાથે જયા સુધી સગાઈ રહી હતી ત્યાં સુધીમાં યવકે તેની સાથે શરીર સંબંધ બાંધ્યો હતો જેથી કરીને સગીરા ગર્ભવતી બની હતી અને તા. ૧૫-૯ ના રોજ તે સગીરાએ એક દીકરીને જન્મ આપ્યો છે જો કે, સગીરાના પરિવારજને હાલમાં હળવદ તાલુકા પોલીસ સ્ટેશને દુષ્કર્મની ફરિયાદ નોંધાવી હતી જેના આધારે પોલીસે આરોપી મહેશ ઉર્ફે ગોપાલ (૨૪)ની ધરપકડ કરેલ છે અને વધુમાં પોલીસ પાસેથી મળતી માહિતી મુજબ આરોપી મહેશ ઉર્ફે ગોપાલ સામે પાંચ શરીર સબંધી અને બે પ્રોહિબિશનના ગુના હળવદ પોલીસ સ્ટેશનમાં નોંધાયેલ છે હાલમાં પોલીસે આરોપીના રિમાન્ડ લેવા માટે તજવીજ શરૂ કરી છે