મોરબી બ્રહ્મસમાજના આગેવાનો દ્વારા રાજકોટના રમેશ ફેફર સામે પગલાં લેવાની માંગ

 વર્તમાન સમયમાં પોતાની જાતને કલકી અવતાર ગણાવતા રમેશ ફેફરે તાજેતરમાં ભગવાન પરશુરામ અને ભૂદેવો વિશે આપત્તિજનક નિવેદન આપેલ છે જેથી કરીને બ્રહ્મસમાજમાં રોષની લાગણી છે અને ગામો ગામ તેની સામે પગલાં લેવાની માંગ સાથે આવેદન પત્ર આપવામાં આવી રહ્યા છે ત્યારે રમેશ ફેફર સામે કડક પગલાની માંગ સાથે મોરબી સમસ્ત બ્રહ્મસમાજ અને પરશુરામ યુવા ગ્રુપ દ્વારા કલેક્ટર અને એસપીને આવેદનપત્ર આપવામાં આવ્યું છે

મોરબી સમસ્ત બ્રહ્મસમાજ અને પરશુરામ યુવા ગ્રુપના લોકોએ હાલમાં જે આવેદન પત્ર આપવામાં આવ્યું છે તેમાં જણાવ્યુ છે કે, તાજેતરમાં સોશ્યલ મીડિયા પર પોતાની જાતને કલ્કી અવતાર કહેનાર રાજકોટના રમેશ ફેફર દ્વારા સમાજમાં વૈમનસ્ય ઉભું કરવા હિન્દૂ ધર્મ તેમજ ખાસ કરીને બ્રાહ્મણોના આરાધ્ય દેવ ભગવાન પરશુરામ વિષે અને બ્રહ્મસમાજ વિશે આપત્તિજનક નિવેદન આપવામાં આવ્યું છે જેનાથી લોકોની ધાર્મિક આસ્થાને ઠેસ પહોંચી છે અને સામાજિક સમરસતાને ડહોળવાના પ્રયાસ કરવામાં આવેલ છે આ ઉપરાંત તેણે કરેલા નિવેદનમાં સમગ્ર બ્રાહ્મણ સમાજનો નાશ કરવાની ધમકી આપી છે તેમજ પ્રધાનમંત્રી અંગે પણ આપત્તિજનક ભાષા પ્રયોગ કરેલ છે. તેણે કરેલા નિવેદની પાછળ તેનો ઈરાદો શું છે ? તથા આવા વ્યક્તિ પાછળ સમાજને તોડનાર કે રાષ્ટ્રવિરોધી પ્રવૃતિ કરનાર કોઈ ષડયંત્ર તો નથી ને ? તેની તપાસ કરીને આ શખ્સની સામે પગલાં લેવામાં આવે તેવી માંગ કરેલ છે