મોરબી જિલ્લામાં ગામડાઓમાં સુવિધાઓનું ચેકિંગ કરવા ડીડીઓએ બનાવી ખાસ ટીમ
Morbi Today
મોરબીના ઘૂટું રોડે કારખાનામાં લેબર ક્વાર્ટરના ત્રીજા માળેથી નીચે પડતાં ઇજા પામેલ વ્યક્તિ સારવારમાં
SHARE
JOIN OUR GROUP
મોરબીના ઘૂટું રોડે કારખાનામાં લેબર ક્વાર્ટરના ત્રીજા માળેથી નીચે પડતાં ઇજા પામેલ વ્યક્તિ સારવારમાં
મોરબીના ઘુટુ રોડ ઉપર આવેલ કારખાનામાં લેબર ક્વાર્ટરના ત્રીજા માળેથી નીચે પડી જતા ઈજા પામેલા વ્યક્તિને બેભાન હાલતમાં સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના ઘુટુ રોડે આવેલ એન્ટીક એલએલપી કારખાનામાં રહેતા કાળુભાઈ ભુરીયા લેબર ક્વાર્ટરના ત્રીજા માળેથી નીચે પડી ગયા હતા જેથી કરીને બેભાન હાલતમાં ઇજાગ્રસ્તને સારવાર માટે મોરબી શહેરના સામાકાંઠા વિસ્તારમાં આવેલ સમર્પણ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ મનીષભાઈ બારૈયા ચલાવી રહ્યા છે
ફિનાઇલ પી ગઈ
મોરબી તાલુકાના ફડસર ગામે રહેતા બુટાભાઈ ભીખુભાઈ ગમારા જાતે ભરવાડની ૧૬ વર્ષની દીકરી રિદ્ધિબેન કોઈ કારણોસર પોતે પોતાના ઘરે હતી ત્યારે ફિનાઈલ પી ગઈ હતી જેથી કરીને તેને તાત્કાલિક સારવાર માટે મોરબી શહેરમાં આવેલ સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના જે.પી. પટેલ ચલાવી રહ્યા છે
અકસ્માતમાં ઇજા
મોરબી નજીકના લીલાપર ગામે રહેતા સુરેશભાઈ હંસરાજભાઈ મકવાણા (૩૭) નામનો યુવાન બાઈક લઈને મોરબીની લીલાપર ચોકડી પાસે રવિરાજ હોટલ પાસેથી પસાર થઈ રહ્યો હતો ત્યારે વાહન અકસ્માતના બનાવમાં તેને ઈજા થઈ હતી જેથી ઈજાગ્રસ્ત યુવાનને સારવાર માટે મોરબીની ક્રિષ્ના હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના એન.જે. ખડીયા ચલાવી રહ્યા છે
