વાંકાનેરમાં યુવાનને એજન્સીમાં ખોટ જતાં મચ્છુ નદીમાં ઝંપલાવીને કર્યો આપઘાત
Morbi Today
હળવદના ભલગામડામાં માવતરે રહેતી પરણીતાને કરિયાવર બાબતે સાસરિયાનો ત્રાસ
SHARE
JOIN OUR GROUP
હળવદના ભલગામડામાં માવતરે રહેતી પરણીતાને કરિયાવર બાબતે સાસરિયાનો ત્રાસ
હળવદ તાલુકાના ભલગામડામાં હાલ માવતરે રહેતી પરણીતાએ તેના પતિ, સાસુ, સસરા અને નણંદની સામે મોરબી જિલ્લા મહિલા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, ઘર કામ બાબતે અને કરિયાવર ઓછો લાવી હોવા બાબતે મારતા હતા અને ગાળો આપતા હતા જે ફરિયાદ આધારે પોલીસે ગુનો નોંધીને આરોપી અને પકડવા માટે તજવીજ શરૂ કરેલ છે
જાણવા મળતી માહિતી મુજબ મૂળ સુરેન્દ્રનગર જિલ્લાના રાજગઢના રહેવાસી અને હાલમાં હળવદ તાલુકાના ભલગામડા ખાતે માવતર રહેતા ગીતાબેન રાજેશભાઈ હલાણી જાતે કોળી (૩૦) એ તેના પતિ રાજેશભાઈ પ્રહલાદભાઈ હલાણી, સસરા પ્રહલાદભાઈ લાભુભાઈ હલાણી, સાસુ અનસોયાબેન પ્રહલાદભાઈ હલાણી અને નણંદ સંગીતાબેન પ્રહલાદભાઈ હલાણી રહે. બધા રાજગઢ જિલ્લો સુરેન્દ્રનગર વાળાની સામે મોરબી મહિલા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યૂ છે કે, આરોપીઓ તેને ઘરકામ બાબતે તથા કરિયાવર ઓછો લાવી છે તે બાબતે મારકૂટ કરતાં હતા અને ગાળો આપીને શારીરિક માનસિક ત્રાસ આપતા હતા જેથી પરણીતાએ નોંધાવેલ ફરિયાદ આધારે પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે આ કેસની તપાસ મહિલા પોલીસ સ્ટેશનના પીઆઇ પી.એચ. લખધિરકા ચલાવી રહ્યા છે
વરલી જુગાર
માળીયા મીયાણાના માતમ ચોક પાસે ખંઢેર મકાન આવેલ છે જ્યાં વરલી જુગારના આંકડા લેવામાં આવતા હોવાની હકીકત મળી હતી તેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી વરલી જુગારના આંકડા લેતા એક શખ્સ મળી આવ્યો હતો જેથી કરીને પોલીસે યાસીન હુસેનભાઇ મોવર જાતે મિયાણા (૪૦) રહે. મોવર શેરી માળીયા મીયાણા વાળાની ધરપકડ કરી હતી અને તેની પાસેથી ૫૧૦ રૂપિયાની રોકડ કબજે કરી હતી
દારૂની બોટલ
મોરબીના સિપાઈવાસમાં રિદ્ધિ સિદ્ધિ દુકાન પાસેથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની સીલ તૂટેલી એક બોટલ મળી આવી હતી જેથી પોલીસે ૩૦૦ ની કિંમતનો દારૂનો જથ્થો કબજે કરીને સમીરભાઈ મયુદ્દીનભાઈ સૈયદ (૨૩) રહે. લખધીરવાસ રિદ્ધિ સિદ્ધિ દુકાન ઉપર મોરબી વાળાની ધરપકડ કરેલ છે
