મોરબી ખાતે ફૂટબોલ સ્પર્ધાનું આયોજન કરાશે

સ્પોર્ટસ ઓથોરીટી ઓફ ગુજરાત અને મોરબી જિલ્લા રમત વિકાસ અધિકારીની કચેરી દ્વારા ૬૨મી સુબ્રટો ફૂટબોલ સ્પર્ધા ૨૦૨૩-૨૪નું આયોજન કરવામાં આવનાર છે.

જેમાં મોરબી જિલ્લાના સબ જુનિયર ભાઇઓ, જુનિયર ભાઇઓ અને જુનિયર બહેનો સ્પર્ધામાં ભાગ લઈ શકશે. જિલ્લા કક્ષાની સીધી સ્પર્ધામાં ભાગ લેવા માટે તા.૬-૭-૨૦૨૩સુધીમાં  શાળાની એંટ્રી  મોરબી જિલ્લા રમત વિકાસ અધિકારીની કચેરી, ઓમ શાંતી પ્રે સ્કૂલની સામે, મહારાણા પ્રતાપ સર્કલ, મોરબી-૨ ખાતે કરવાની રહેશે આ સ્પર્ધામાં સુબ્રટો ફૂટબોલ સબ જુનિયર ભાઇઓ અંડર-૧૪ જન્મ તા. ૧/૧/૨૦૧૦ પછી જન્મેલ ખેલાડી ભાગ લઇ શકશે અને સુબ્રટો ફૂટબોલ  જુનિયર ભાઇઓ/બહેનો  અંડર-૧૭ જન્મ તા. ૧/૧/૨૦૦૭  પછી જન્મેલ ખેલાડી ભાગ લઇ શકશે. તેમ મોરબી જિલ્લા રમત વિકાસ અધિકારીની યાદીમાં જણાવાયું છે.