મોરબીના હળવદ રોડે રૂપિયાની લેતી દેતી બાબતે મસાજ પાર્લર પાસે યુવાનને માર માર્યો
Morbi Today
મોરબીના લાલપર પાસે એપાર્ટમેન્ટના પાર્કિંગમાંથી બાઈકની ચોરી
SHARE
JOIN OUR GROUP
મોરબીના લાલપર પાસે એપાર્ટમેન્ટના પાર્કિંગમાંથી બાઈકની ચોરી
મોરબી તાલુકાના લાલપર ગામ પાસે આવેલ એપાર્ટમેન્ટના પાર્કિંગમાં પાર્ક કરેલા બાઇકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે અજાણ્યા શશખ્સની સામે બાઈક ચોરીની ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ વાંકાનેરના મિલ પ્લોટ વિસ્તારમાં ઝવેરી ચાલી પાછળના ભાગમાં રહેતા તન્વીરભાઈ સલીમભાઈ કોંઢિયા જાતે મોમીન (૨૧) એ હાલમાં મોરબી તાલુકા પોલીસ સ્ટેશન ખાતે અજાણ્યા શખ્સની સામે બાઇક ચોરીની ફરિયાદ નોંધાવી છે જેમાં તેને જણાવ્યુ છે કે, મોરબી વાંકાનેર હાઇવે ઉપર આવેલ લાલપર ગામની સીમમાં ઓરસંગ અજંતા એપાર્ટમેન્ટના ખુલ્લા પાર્કિંગમાં તેણે પોતાનું બાઈક નંબર જીજે ૩ એડી ૧૯૮૦ પાર્ક કરીને મૂક્યું હતું જે ૧૦૦૦૦ રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાન દ્વારા નોંધવામાં આવેલ ફરિયાદ આધારે પોલીસે અજાણ્યા શખ્સની સામે બાઈક ચોરીનો ગુનો નોંધીને આરોપીને પકડવા માટે તજવીજ શરૂ કરી છે
અકસ્માતમાં ઇજા
મોરબી તાલુકાના રાજપર ગામે રહેતા વડગાસિયા રાજેશભાઈ પ્રભુભાઈ (૪૫) પોતાના ઘરેથી બાઈક ઉપર ગેરેજે જઈ રહ્યા હતા ત્યારે રસ્તામાં રામદેવપીરના મંદિર પાસે કાર ચાલકે તેઓના બાઈકને હડફેટે લેતા અકસ્માતનો બનાવ બન્યો હતો અને તેમાં વડગાસિયા રાજેશભાઈને ઇજા થયેલ હોવાથી તેને સારવાર માટે મોરબી શહેરમાં આવેલ ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે નોંધ કરી આગળની રાબેતા મુજબની કાર્યવાહી હાથ ધરી છે
