મોરબીના રવાપર રોડે સદગુરુ સોસાયટીમાંથી દારૂ ભરેલ કાર ઝડપાઇ, બુટલેગરની શોધખોળ
Morbi Today
મોરબી રિજેક્ટ ટાઇલ્સનો માલ આપવાનું કહીને યુવાન સાથે ૧.૨૬ લાખની છેતરપિંડી
SHARE
JOIN OUR GROUP
મોરબી રિજેક્ટ ટાઇલ્સનો માલ આપવાનું કહીને યુવાન સાથે ૧.૨૬ લાખની છેતરપિંડી
મોરબીના હળવદ ઘુટુ રોડ ઉપર મહેન્દ્રનગર ગામ પાસે આવેલ સીરામી એમ્પાયર કોમ્પ્લેક્સમાં ઇફલક્ષ સીરામીકા નામની પેઢી ધરાવતા શખ્સે તેની પાસે રિજેક્ટ ટાઇલ્સનો માલ હોવાનું કહીને ફરિયાદી પાસેથી રોકડા તથા બેંકમાં રૂપિયા મંગાવ્યા હતા અને તેની પાસેથી ૧.૨૬ લાખ રૂપિયા લીધા બાદ તેને સિરામિક ટાઇલ્સનો માલ ન આપીને વિશ્વાસઘાતા અને છેતરપિંડી કરવામાં આવી છે જેથી કરીને હાલમાં ભોગ બનેલા યુવાન દ્વારા મોરબી બી ડિવિઝન પોલીસ સ્ટેશન ખાતે બેન્ક એકાઉન્ટના ધારક સહિત કુલ મળીને ચાર વ્યક્તિઓની સામે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
બનાવની જાણવા મળતી વિગત પ્રમાણે ટંકારા તાલુકાના નાના રામપર ગામે રહેતા હાર્દિકભાઈ પ્રભુલાલ મંડાણી જાતે પટેલ (૨૬) એ હાલમાં સચીનભાઈ, વિશાલભાઈ દોશી, પ્રતાપભાઈ પરમાર અને આઈસીઆઈસીઆઈ બેંકના એકાઉન્ટ નંબર ૦૨૩૦૮૦૧૫૩૦૫૧૬ ના ધારક સામે બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, મોરબીના હળવદ રોડ ઉપર મહેન્દ્રનગર પાસે આવેલ સીરામીક એમ્પાયર કોમ્પલેક્ષમાં ઓફિસ નંબર ૬૦૬ માં ઇફલક્ષ સીરામીકા નામની પેઢી ધરાવતા સચીનભાઈએ તેની પાસે રિજેક્ટ ટાઇલ્સનો માલ હોવાનું ફરિયાદી યુવાનને જણાવ્યું હતું જેથી કરીને તે ટાઇલ્સ લેવા માટે થઈને આરોપીએ ૭૦૦૦૦ આઈસીઆઈસીઆઈ બેંકના એકાઉન્ટ નંબરમાં મંગાવ્યા હતા અને ત્યાર બાદ ૫૬૦૦૦ રૂપિયા વિશાલભાઈ દોશી અને પ્રતાપભાઈ પરમારને મોકલીને મેળવી લીધા હતા આમ કુલ મળીને ૧.૨૬ લાખ ફરિયાદી પાસે લીધા બાદ તેને ટાઇલ્સનો માલ ન આપીને તેની સાથે વિશ્વાસઘાત અને છેતરપિંડી કરવામાં આવી છે જેથી ભોગ બનેલા યુવાન દ્વારા નોંધાવવામાં આવેલ ફરિયાદ આધારે પોલીસે હાલમાં બેન્ક એકાઉન્ટ ધારક સહિત કુલ મળીને ચાર શખ્સોની સામે આઇપીસી કલમ ૪૦૬, ૪૨૦ અને ૧૧૪ મુજબ ગુનો નોંધી આરોપીને પકડવા માટે તજવીજ શરૂ કરેલ છે
