મોરબીના શનાળ રોડ નવા બસ સ્ટેશન પાસે મોડીરાત્રીના મળી આવેલી યુવતીને પોલીસે પરિવાર સુધી પહોંચાડી
Morbi Today
મોરબીમાં ગાડી ચલાવતા યુવાનને છાતીમાં દુખાવો ઉપડ્યા બાદ સારવાર મળે તે પહેલા જ મોત
SHARE
JOIN OUR GROUP
મોરબીમાં ગાડી ચલાવતા યુવાનને છાતીમાં દુખાવો ઉપડ્યા બાદ સારવાર મળે તે પહેલા જ મોત
મોરબીના વીસીપરા વિસ્તારમાં આવેલ રમેશ કોટન મીલની અંદર રહેતા અને ગાડી ચલાવતા યુવાને અચાનક છાતીમાં દુખાવો ઉપડ્યો હતો અને ગભરામણ થવા લાગી હતી જેથી કરીને તેને મોરબી શહેરના સનાળા રોડ ઉપર આવેલ ક્રિષ્ના હોસ્પિટલ ખાતે સારવારમાં લઈને ગયા હતા અને ત્યાં ફરજ પરના ડોક્ટરે તેને મૃત જાહેર કર્યા બાદ યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.
બનાવની જાણવા મળતી માહિતી મુજબ મોરબીના વીસીપરા વિસ્તારની અંદર આવેલ રમેશ કોટન મિલમાં રહેતા કરીમભાઈ ઇસ્માઈલભાઈ બાઇચા (૩૯) ગાડી ચલાવીને જતાં હતા ત્યારે ગુજરાત ફ્લોર મીલ પાસે તેઓને અચાનક છાતીમાં દુખાવો ઉપડ્યો હતો અને ગભરામણ થવા લાગી હતી જેથી તાત્કાલિક તેને સારવાર માટે મોરબી શહેરના સનાળા રોડ ઉપર આવેલ ક્રિષ્ના હોસ્પિટલ ખાતે લઈ ગયા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યા બાદ આ યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવ અંગેની હોસ્પિટલ મારફતે મોરબી સીટી બી ડિવિજન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ એચ.એમ. મકવાણા ચલાવી રહ્યા છે.
