મોરબીના સાદુળકા ગામે ધાક ધમકી આપીને પરણિત યુવાને સગીરા સાથે આચર્યુ દુષ્કર્મ: આરોપીની ધરપકડ
Morbi Today
મોરબીના ખાનપર નજીક સર્જાયેલ અકસ્માતમાં ઇજા પામેલા આધેડનું સારવારમાં મોત
SHARE
JOIN OUR GROUP
મોરબીના ખાનપર નજીક સર્જાયેલ અકસ્માતમાં ઇજા પામેલા આધેડનું સારવારમાં મોત
મોરબીના ખાનપર રોડ ઉપરથી બાઇક લઈને જઈ રહેલા આધેડના બાઇકને છોટા હાથીના ચાલકે થોડા દિવસો પહેલા હડફેટે લીધું હતૌ જેથી કરીને સર્જાયેલા અકસ્માતના બનાવમાં ગંભીર રીતે આધેડેને ઇજા થયેલ હતી જેથી તેમને સારવારમાં લઈ જવાયા હતા અને બનાવ સંદર્ભે ફરિયાદ નોંધાઇ હતી. દરમિયાનમાં સારવારમાં રહેલા આધેડનું મોત નીપજયુ હોવાનું જાણવા મળેલ છે.
વધુમાં જાણવા મળતી માહિતી મુજબ મૂળ ખાનપર ગામના વતની અને હાલ મોરબીના શનાળા રોડ ઉપર સુપર માર્કેટની સામે આવેલ ક્રિષ્ના સોસાયટીમાં રહેતા વસંતભાઈ છગનભાઈ જીવાણી નામના ૫૨ વર્ષના આધેડ ગત તા.૯-૫ ના રોજ મોરબીથી સહકારી મંડળીમાં પૈસા ભરવા માટે ખાનપર ગામ તરફ જતા હતા ત્યારે મોરબી-ખાનપર રોડ ઉપર પંપની સામે બપોરના ૧૨ વાગ્યાના અરસામાં તેમના બાઇકને છોટા હાથીના ચાલકે હડફેટે લીધુ હતુ જેથી આધેડને ગંભીર ઇજાઓ થઇ હોવાથી તેને અત્રેની ક્રિષ્ના હોસ્પિટલ ખાતે સારવાર માટે લાવવામાં આવ્યા હતા આ બનાવમાં બાદમાં ભોગ બનનારના ભત્રીજા રજનીકાંતભાઇ વશરામભાઇ જીવાણી જાતે પટેલ (૪૫) એ છોટા હાથી નંબર જીજે ૩૬ વી ૦૫૪૭ ના ચાલકની સામે મોરબી તાલુકા પોલીસ સ્ટેશને ફરિયાદ નોંધાવી હતી. દરમિયાનમાં ગત તા.૨૮-૫ ના રોજ ૧૧ વાગ્યાના અરસામાં સારવારમાં રહેલા વસંતભાઈ છગનભાઈ જીવાણી નામના આધેડનું મોત નીપજ્યું હતું જે અંગે તાલુકા પોલીસમાં જાણ કરવામાં આવેલ હોય હાલ તાલુકા પોલીસ દ્વારા આ અંગે નોંધ કરીને આગળની તપાસ કરવામાં આવી રહી છે.
વાહન અકસ્માતમાં ઈજા
મોરબીના સામાકાંઠે ત્રાજપર ચોકડી પાસેથી બાઈક લઈને જતા યુવાનના બાઈકને ટ્રેઇલર ચાલકે હડફેટે લેતા સર્જાયેલ અકસ્માત બનાવમાં મોરબી તાલુકાના ધરમપુર ગામે રહેતા મનીષભાઇ બાલુભાઈ સુરાણી નામના ૩૯ વર્ષના યુવાનને ઇજા પહોંચતા અત્રેની સાગર હોસ્પિટલ ખાતે સારવારમાં લઈ જવામાં આવ્યો હતો બનાવ સંદર્ભે હાલ બી ડિવિઝન પોલીસ મથકના વાલભા ચાવડા દ્વારા તપાસ ચલાવવામાં આવી રહી હોવાનું જાણવા મળે છે.જ્યારે મોરબીના સામાકાંઠે આવેલ શક્તિ ચેમ્બર પાછળના ઉમિયાવયનગર વિસ્તારમાં રહેતા મનસુખભાઈ બાલાભાઈ સોલંકી નામના ૩૨ વર્ષના યુવાનને વાંકાનેર હાઇવે શક્તિ ચેમ્બર નજીક વાહન અકસ્માતના બનાવમાં ઇજાઓ પહોંચતા સારવાર માટે સિવિલે લાવવામાં આવ્યો હતો જેથી બી ડિવિઝન પોલીસ મથકના જગદીશભાઈ ડાંગર દ્વારા આ અંગે નોંધ કરીને આગળની તપાસ ચલાવવામાં આવી રહી છે.
આધેડ સારવારમાં
મોરબી તાલુકાના ચાંચાપર ગામે રહેતા અશોકભાઈ મનજીભાઈ રાંકજા નામના ૫૩ વર્ષના આધેડને વાહન અકસ્માતમાં ઈજા થતા સારવાર માટે આયુષ હોસ્પિટલે લાવવામાં આવ્યા હતા અને હોસ્પિટલ દ્વારા સારવાર કર્યા બાદ તાલુકા પોલીસમાં જાણ કરાતા સામે આવ્યું હતું કે રાત્રિના સમયે અશોકભાઈ રાંકજા બાઈક લઈને ચાંચાપર-ખાનપર રોડ ઉપરથી જતા હતા ત્યારે રસ્તામાં તેઓના બાઈક સાથે રોજડું અથડાવવાનો અકસ્માત બનાવ બન્યો હતો જેમાં હાથે-પગે અને છાતીના ભાગે ઇજાઓ થતા અશોકભાઇને સારવાર માટે લઈ જવામાં આવ્યા હતા હાલ તાલુકા પોલીસ મથકના એન.જે.ખડીયા આ અંગે આગળની તપાસ ચલાવી રહ્યા છે.
