વાંકાનેરમાં ચા-પાન અને બીડીની કેબીનમાંથી ૨૦૦ ગ્રામ ગાંજા સાથે એક શખ્સની ધરપકડ
Morbi Today
મોરબી પાલિકાની ડમ્પીંગ સાઈડમાંથી ૫૨,૦૦૦ ની એંગલ-પાઇપની ચોરી કરનાર ડ્રાઈવરની ધરપકડ
SHARE
JOIN OUR GROUP
મોરબી પાલિકાની ડમ્પીંગ સાઈડમાંથી ૫૨,૦૦૦ ની એંગલ-પાઇપની ચોરી કરનાર ડ્રાઈવરની ધરપકડ
મોરબી નજીકના રફાળેશ્વર ગામ પાસે જાંબુડીયા ગામની સીમમાં નગરપાલિકાની ડમ્પીંગ સાઈડ આવેલ છે અને ડમ્પીંગ સાઈડમાં જુદા જુદા સેડ બનાવવા આવ્યા છે જેના માટે ઉપયોગમાં લેવામાં આવેલ નાની મોટી ચેનલની એંગલ તથા પાઇપ કુલ મળીને દોઢેક ટન જેટલો મુદ્દામાલ ચોરી કરવામાં આવેલ છે જેથી કરીને હાલમાં મોરબી પાલિકાના હેડ ક્લાર્ક દ્વારા રવાપર ગ્રામ પંચાયતના ટ્રેક્ટરના ડ્રાઇવર સામે ૫૨,૦૦૦ ના મુદ્દા માલની ચોરી કરી હોવાની ફરિયાદ નોંધાવવામાં આવી છે જેથી કરીને પોલીસે ગુનો નોંધીને આરોપીની ધરપકડ કરેલ છે.
બનાવની જાણવા મળતી માહિતી મુજબ મોરબી પાલિકાના હેડ ક્લાર્ક કનૈયાલાલ જાદવજીભાઈ કાલરીયા જાતે પટેલ (૫૯) એ હાલમાં મોરબી સીટી એ ડિવિઝન પોલીસ સ્ટેશન ખાતે રવાપર ગ્રામ પંચાયતના ટ્રેક્ટરના ડ્રાઇવર મનુભાઈ આદિવાસીની સામે ચોરીની ફરિયાદ નોંધાવેલ છે જેમાં તેને જણાવ્યું છે કે, રફાળેશ્વર ગામ પાસે જાંબુડીયા ગામની સીમમાં જીઓટેક કારખાના સામે મોરબી પાલિકાની કચરાની ડમ્પીંગ સાઈડ આવેલ છે અને ત્યાં ખુલ્લા શેડમાં નાની મોટી ચેનલ નંગ ૩૦ તથા કેચી એન્ગલ નંગ ૪૦ અને નાના મોટા ૨૧ જેટલા પાઇપ રાખવામા આવ્યા હતા જે કુલ મળીને દોઢ ટન જેટલા મુદ્દામાલની ચોરી કરવામાં આવેલ છે જેથી કરીને ૫૨,૦૦૦ નો માલ પાલિકાની ડમ્પીંગ સાઈડમાંથી ચોરી થયો છે તેવી ફરિયાદ હાલમાં પાલિકાના કર્મચારીએ નોંધાવી છે જેથી કરીને તેના આધારે પોલીસે આરોપી મનુભાઈ મોટલા વસુનિયા જાતે આદિવાસી (૨૦) રહે હાલ હરિઓમ બ્રિજ લીલાપર રોડ મોરબી મુળ એમપી વાળાની ધરપકડ કરી આગળની રાબેતા મુજબની કાર્યવાહી હાથ ધરી છે.
