મોરબી નજીક નદીમાં ડૂબી જવાથી બોર્ડની પરીક્ષા આપનાર તરૂણનું મોત

મોરબીના નજરબાગ રેલવે સ્ટેશન સામેના ભાગમાંથી નદી નીકળે છે ત્યાં ખાડીમાં ન્હાવા પડેલા એક તરૂણ ડૂબી ગયો હતો જેથી કરીને આ બનાવની ફાયરની ટીમને જાણ કરવામાં આવી હતી જેથી ફાયરની ટિમ સ્થળ ઉપર દોડી આવી હતી અને તરુણની બોડીને પાણીમાંથી કાઢીને પીએમ માટે હોસ્પિટલે લઈ જવામાં આવી હતી અને આ બનાવની બી ડિવિઝન પોલીસને જાણ કરતાં પોલીસે આગળની કાર્યવાહી કરી છે

જાણવા મળતી માહિતી મુજબ મોરબીના નજરબાગ રેલવે સ્ટેશન પાસે બૌદ્ધનગર પાછળ નદીની ખાડીમાં ચારથી પાંચ મિત્રો ન્હાવા માટે  ગયા હતા ત્યારે તાજેતરમાં જ ધો ૧૦ બોર્ડની પરીક્ષા આપનાર હર્ષદ જીતુભાઇ સનાળિયા (૧૬) પાણીમાં ડૂબી ગયો હતો. જેથી કરીને આ અંગેની ફાયર વિભાગને જાણ કરતા ફાયરની ટિમ દોડી આવી હતી અને તરૂણની બોડીને પાણીમાંથી બહાર કાઢવામાં આવી હતી અને પીએમ માટે મોરબી સિવિલે લઈને આવ્યા હતા અને બી ડિવિઝન પોલીસને જાણ કરતાં પોલીસે આગળની કાર્યવાહી કરી છે