મોરબીના ડુંગરપુર ગામે ઘરે આત્યાંતિક પગલુ ભરી લેતા મહિલા સારવારમાં
Morbi Today
મોરબીમાં ત્રાજપર ઓવરબ્રીજ ઉપર બોલેરો અકસ્માત : ત્રણને સારવારમાં ખસેડાયા
SHARE
JOIN OUR GROUP
મોરબીમાં ત્રાજપર ઓવરબ્રીજ ઉપર બોલેરો અકસ્માત : ત્રણને સારવારમાં ખસેડાયા
મોરબીના પુલ પાસે ગઈકાલે વાહન અકસ્માતનો બનાવ બન્યો હતો જેમાં બોલેરો કારનો અકસ્માત થતા ત્રણને સારવારમાં ખસેડાયા આવવાનું જાણવા મળેલ છે.મોરબી સીટી બી ડિવિઝન પોલીસ સૂત્રોમાંથી મળતી માહિતી મુજબ મોરબીના સામાકાંઠે ત્રાજપર ચોકડી ઓવરબ્રિજ ઉપર ગુરૂકૃપા હોટલની સામે વાહન અકસ્માતનો બનાવ બન્યો હતો જેમાં યુટીલીટી બોલેરો કાર નંબર જીદે ૩૬ ટી ૮૭૪૫ આગળ જતા કોઇ વાહન સાથે અથડાતા થયેલ અકસ્માતના બનાવમાં ઇજાગ્રસ્ત થયેલા રાહુલ બનીલાલ ભાંભર (૨૧), હરેશ કરશનભાઇ કુંડારીયા (૫૦) અને શિવમ સતરામ ભીલ (૧૯) રહે.ત્રણેય મોરબી વાળાઓને પ્રથમ સિવિલ હોસ્પિટલે સારવારમાં લઈ જવામાં આવ્યા હતા અને ત્યાં પ્રાથમિક સારવાર આપી વધુ સારવાર માટે અહીંની આયુષ હોસ્પિટલે ખસેડાયા છે હાલ બી ડિવિઝન પોલીસ મથકના અશોકભાઈ સારદિયા દ્વારા તપાસ હાથ ધરવામાં આવેલ છે.
મહિલા સારવારમાં
મોરબીના સામાકાંઠે કુબેર ટોકીઝ પાસે થયેલ વાહન અકસ્માતના બનાવમાં ઘવાયેલા રશ્મીબેન રાજેશભાઈ નામની ૨૫ વર્ષીય મહિલાને સારવાર માટે સિવિલે લાવવામાં આવી હતી.જ્યારે મોરબીના વીસીપરા કુલીનગર શેરી નંબર-૧ માં રહેતા ગુલામ યુસુફભાઈ પઠાણ નામના ૨૭ વર્ષેના યુવાનને ઘર નજીક થયેલ મારામારીના બનાવમાં ઇજાઓ પહોંચતા સારવારમાં ખસેડાયો હતો. તેમજ મોરબીના માળિયા ફાટક પાસેના કાંતિનગર વિસ્તારમાં બનેવી સાથે બોલાચાલી થયા બાદ થયેલ મારામારીના બનાવમાં અજ઼સગરભાઈ ઈશાભાઈ મોવર (૨૦) અને રસીદાબેન ઈશાભાઈ મોવર (૧૮) નામના બેને ઇજાઓ પહોંચતા તે બંનેને પણ સિવિલે સારવાર માટે ખસેડાયા હતા.
વાહન અકસ્માતમાં ઈજા
મોરબીના લાયન્સનગર વિસ્તારમાં રહેતા અજય પ્રવીણભાઈ પરમાર નામના ૨૧ વર્ષીય યુવાનને વાંકાનેર હાઇવે લખધીરપુર રોડ ઉપર ઢાળિયા નજીક બાઇક સ્લીપ થવાના બનાવમાં ઇજાઓ પહોંચતા સારવારમાં ખસેડાયો હતો.જ્યારે મોરબીના નવલખી હાઇવે લુંટાવદર ગામની સીમમાં બાઈસીંગભાઇ દરિયાસિંગ મોહનિયા નામના ૫૦ વર્ષીય મજૂરને ગામમાં કોઈના દ્વારા લાકડી વડે માર મારવામાં આવેલ હોય સિવિલે સારવારમાં ખસેડાયા હતા
