મોરબી નજીકથી કોપરનો વાયર બિન વરસી હાલતમાં મળ્યો: માનસર ગામે દેશી દારૂની ભઠ્ઠી સાથે બે પકડાયા
Morbi Today
મોરબીના ઔદ્યોગિક વિસ્તારમાં ક્રિટિકલ ઇન્ફાસ્ટ્રક્ચર યોજના હેઠળ આરસીસી રોડ મંજૂર કરવા મંત્રીને રજૂઆત
SHARE
JOIN OUR GROUP
મોરબીના ઔદ્યોગિક વિસ્તારમાં ક્રિટિકલ ઇન્ફાસ્ટ્રક્ચર યોજના હેઠળ આરસીસી રોડ મંજૂર કરવા મંત્રીને રજૂઆત
મોરબીની આસપાસના વિસ્તારમાં ઔદ્યોગિક વિકાસ થયો છે પરંતુ રોડ રસ્તા સારા ન હોવાથી ઉદ્યોગકારો સહિતના લોકોને હાલાકીનો સામનો કરવો પડતો હોય છે જેથી મોરબી તાલુકા ભાજપના પ્રમુખ દ્વારા હાલમાં પંચાયત વિભાગના મંત્રીને રજૂઆત કરીને ક્રિટિકલ ઇન્ફાસ્ટ્રક્ચર યોજના હેઠળ મોરબીના ઔદ્યોગિક વિસ્તારના રોડ મંજૂર કરવામાં આવે તેવી માંગ કરવામાં આવી છે
મોરબી તાલુકા ભાજપના પ્રમુખ અરવિંદભાઈ વાસદડીયા દ્વારા હાલમાં પંચાયત વિભાગના મંત્રી બ્રિજેશભાઈ મેરજાને લેખિતમાં રજૂઆત કરવામાં આવી છે જેમાં તેમણે જણાવ્યું છે કે મોરબીની આસપાસમાં જીઆઇડીસી વિસ્તાર નહીં પરંતુ ખાનગી જમીનમાં ઔદ્યોગિક વિકાસ થયો છે અને સિરામિક ઉદ્યોગમાં ભારે વાહનોની સતત અવરજવર રહેતી હોવાથી આરસીસી રોડની ખાસ જરૂરિયાત આ વિસ્તારમાં છે જેથી કરીને વર્ષ ૨૦૨૧-૨૨ માં ક્રિટિકલ ઇન્ફ્રાસ્ટ્રક્ચર યોજના હેઠળ મોરબી ઇન્ડસ્ટ્રીયલ ડેવલોપમેન્ટ એસોસિએશન, મોરબી વાંકાનેર ઇન્ડસ્ટ્રીયલ ડેવલોપમેન્ટ એસોસિયેશન અને મંગલચેતના ઇન્ડસ્ટ્રીયલ ડેવલોપમેન્ટ એસોસિએશન મારફતે ત્રણ પ્રોજેક્ટ બનાવીને ૧૮ રોડ રસ્તા આરસીસી અંદાજે ૩૨ કરોડના મંજૂરી અર્થે મોકલાવેલ છે અને આ પ્રોજેક્ટ હેઠળ રસ્તાઓ જે બનાવવામાં આવ્યા હતા તેની હાલમાં ખૂબ ખરાબ પરિસ્થિતિ હોવાથી ઉદ્યોગકારો સહિતના લોકોને મુશ્કેલીઓનો સામનો કરવો પડે છે જેથી ત્રણેય પ્રોજેક્ટને મંજૂર કરવા યોગ્ય કાર્યવાહી કરીને લોકોને સારા રોડ રસ્તા મળે તે પ્રકારની વ્યવસ્થા કરવા માટે થઈને મોરબી તાલુકા ભાજપના પ્રમુખ દ્વારા રાજ્યના પંચાયત મંત્રીને રજૂઆત કરવામાં આવેલ છે
