મોરબીના કંડલા બાયપાસ ઉપર ચોથા માળેથી પટકાયેલ યુવાન રાજકોટ ખસેડાયો
Morbi Today
હળવદના ચરાડવામાં યુવાને ઘરમાં ગળાફાંસો ખાઇને કર્યો આપઘાત
SHARE
JOIN OUR GROUP
હળવદના ચરાડવામાં યુવાને ઘરમાં ગળાફાંસો ખાઇને આપઘાત કર્યો
હળવદ તાલુકાના ચરાડવા ગામે યુવાને પોતાના ઘરની અંદર કોઈ કારણોસર ગળાફાંસો ખાઇને આપઘાત કર્યો હતો જેથી કરીને તેના મૃતદેહને પીએમ માટે હળવદ સરકારી હોસ્પિટલ ખાતે ખસેડવામાં આવ્યો હતો અને આપઘાતના બનાવની હળવદ પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી.
જાણવા મળતી વિગત પ્રમાણે હળવદ તાલુકાના ચરાડવા ગામે રહેતા હમીરભાઈ ચાવડા જાતે દલવાડીના દીકરા ભાવેશભાઈ હમીરભાઇ ચાવડા જાતે દલવાડી (ઉંમર ૩૧) એ પોતાના ઘરની અંદર ગળાફાંસો ખાઇને આપઘાત કરી લીધો હતો જેથી કરીને તેના મૃતદેહને પીએમ માટે હળવદ સિવિલ હોસ્પિટલ ખાતે ખસેડવામાં આવ્યો હતો અને આપઘાતના બનાવની હળવદ તાલુકા પોલીસને જાણ કરવામાં આવતાં પોલીસે બનાવની નોંધ કરી આગળની કાર્યવાહી હાથ ધરી હતી.જોકે યુવાને કયા કારણોસર આપઘાત કર્યો હતો તે દિશામાં હાલમાં હળવદ પોલીસ દ્વારા તપાસ કરવામાં આવી રહી છે.
આરોપી પકડાયો
મોરબીના લખધીરપુર રોડ ઉપર આવેલ સિરામિક કારખાનામાં મજૂરી કામ કરતા પરિવારની સગીર વયની દીકરીનું થોડા સમય પહેલા અપહરણ કરવામાં આવ્યું હતું જેથી પોકસો સહિતની કલમો હેઠળ મોરબી તાલુકા પોલીસ સ્ટેશન ખાતે ગુનો નોંધાયો હતો અને પોલીસ દ્વારા આરોપીને પકડવા માટે અને સગીરાને શોધવા માટે કવાયત કરવામાં આવી રહી હતી દરમિયાન આ ગુનામાં પોલીસે અંકિત રાજેશ ક્સવાર (ઉંમર ૨૦) રહે મૂળ એમપી હાલ મેટ્રો સીરામીક લખધીરપુર રોડ મોરબી વાળાની ધરપકડ કરેલ છે અને આગળની કાર્યવાહી હાથ ધરી છે.
દારૂની ત્રણ બોટલ
હળવદ શહેરમાં હરી દર્શન હોટલની બાજુમાં આવેલ કુળદેવી કૃપા ગેરેજ બાજુમાંથી પસાર થતાં શખ્સને રોકીને પોલીસે ચેક કર્યો હતો ત્યારે તેની પાસેથી ત્રણ બોટલ દારૂ મળી આવ્યો હોય પોલીસે ૧૧૨૫ રૂપિયાની કિંમતની દારૂની બોટલો કબજે કરી હતી અને બળદેવ ઉર્ફે જેઠો ધીરુભાઈ વિઠલાપરા જાતે કોળી (ઉંમર ૩૨) રહે રાણેકપર રોડ હળવદ વાળાની ધરપકડ કરેલ છે અને તેની પાસે દારૂની બોટલો ક્યાંથી આવી હતી તે દિશામાં તપાસ શરૂ કરવામાં આવી છે.
