મોરબીમાં લાયન્સ ક્લબ ઓફ નઝરબાગ દ્વારા ચકલીના માળા અને કુંડાનું વિતરણ કરાયું
Morbi Today
મોરબીના હરીપર પાસે કેનાલમાં ડૂબી જવાથી યુવાનનું મોત
SHARE
JOIN OUR GROUP
મોરબીના હરીપર પાસે કેનાલમાં ડૂબી જવાથી યુવાનનું મોત
મોરબી નજીકના હરીપર ગામ પાસે આવેલ કારખાનામાં રહેતો અને ત્યાં મજૂરી કામ કરતો યુવાન બાજુમાંથી પસાર થતી કેનાલમાં ન્હાવા માટે ગયો હતો ત્યારે અકસ્માતે કેનાલના પાણીમાં ડૂબી જવાથી આ યુવાનનું ઘટનાસ્થળે જ મોત નીપજયું હતું ત્યાર બાદ તેના મૃતદેહને પીએમ માટે મોરબી સિવિલ હોસ્પિટલ ખાતે ખસેડવામાં આવ્યો હતો અને અકસ્માત મૃત્યુના બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી
જાણવા મળતી વિગત પ્રમાણે મોરબી તાલુકાના હરીપર ગામ પાસે આવેલી એલિકા પેપર મિલમાં રહેતો અને ત્યાં મજૂરી કામ કરતો રોહિતભાઈ ફૂલચંદભાઈ કેવટ (ઉંમર ૧૯) નામનો યુવાન ગઇકાલે બપોરના સાડા અગિયાર વાગ્યાના અરસામાં હરીપર ગામ પાસે એલિકા પેપરમીલ નજીકથી પસાર થતી કેનાલમાં ન્હાવા માટે ગયો હતો ત્યારે કેનાલના પાણીમાં ડૂબી જવાના કારણે રોહિતભાઈ કેવટનું ઘટનાસ્થળે જ મોત નીપજયું હતું ત્યારબાદ પાણીમાંથી તેના મૃતદેહને બહાર કાઢીને મોરબી સિવિલ હોસ્પિટલ ખાતે પીએમમાં ખસેડવામાં આવ્યો હતો અને અકસ્માતના બનાવની મોરબી તાલુકા પોલીસને જાણ કરવામાં આવતાં હાલમાં આ બનાવની નોંધ કરીને આગળની તપાસ મોરબી તાલુકા પોલીસ સ્ટેશનના એએસઆઈ એમ.આર. ગામેતી ચલાવી રહ્યા છે
અકસ્માતમાં ઇજા
મોરબી તાલુકાના અમરેલી ગામનો રહેવાસી સચિન પ્રવીણભાઇ પરમાર નામનો ૨૨ વર્ષીય યુવાન પોતાના ગામ જતો હતો ત્યારે રસ્તામાં ગણેશનગર પાસે તેના બાઇકને કોઈ ટ્રક ચાલકે હડફેટે લેતા ઇજાગ્રસ્ત સચિન પરમારને અત્રે ડો.હેમલ પટેલ હોસ્પિટલે સારવારમાં ખસેડાયો હતો.
