ટંકારાના સરાયા ગામ નજીક આઇસરની પાછળ ખાનગી ટ્રાવેલ્સ બસ અથડાતાં અકસ્માત: કોઈ જાનહાનિ નહીં

ટંકારાના લતીપર રોડ ઉપર આવેલ સરાયા ગામથી આગળ ખાનગી ટ્રાવેલ્સની બસ આઇસરની પાછળના ભાગે અથડાઈ હતી જેથી અકસ્માતનો બનાવ બન્યો હતો અને અકસ્માતના બનાવમાં ખાનગી ટ્રાવેલ્સની બસ થાંભલાને ટેકે અટકી રહી હોવાના કારણે મોટી દુર્ઘટના સહેજમાં ટળી હતી જોકે ટ્રક ચાલકે હાલમાં ટ્રાવેલ્સ બસના ચાલક સામે ફરિયાદ નોંધાવતા ટંકારા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

બનાસકાંઠાના ભાભર કમાલપુરા ઠાકોર વાસ ખાતે રહેતા નટવરજી ચાંદાજી ઠાકોર (38)એ હાલમાં ટ્રાવેલ્સ બસ નંબર એમપી 41 પી 5544 ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે તેઓ પોતાનો ટ્રક નંબર જીજે 14 એક્સ 3888 લઈને સરાયા ગામથી આગળ પસાર થઈ રહ્યા હતા ત્યારે ટ્રાવેલ્સ બસના ચાલકે તેઓના આઇસરની પાછળના ભાગમાં જમણી બાજુએ બસ અથડાવી હતી જેથી અકસ્માતનો બનાવ બન્યો હતો અને અકસ્માતના બનાવમાં આઇસરની પાછળના ભાગમાં નુકસાન થયેલ છે અને અકસ્માત બાદ બસ વીજ પોલના ટેકે અટકી ગઈ હતી જેથી કરીને મોટી દુર્ઘટના થતા સહેજમાં ટળી છે જોકે હાલમાં આ બનાવ સંદર્ભે આઇસરના ચાલકે નોંધાવેલ ફરિયાદ આધારે પોલીસે ટ્રાવેલ્સ બસના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

બાઈકની ચોરી 

મોરબીના જેલ રોડ ની પાછળના ભાગમાં આવેલ લોહાણાપરા શેરી નંબર 1 માં રહેતા જીતેન્દ્રભાઈ ત્રંબકલાલ કોટક (52)એ અજાણ્ય શખ્સની સામે વાહન ચોરીની ફરિયાદ નોંધાવી છે જેમાં તેને જણાવ્યૂ છે કે, ગત તા. 14/3 ના રોજ રાત્રિના બે વાગ્યાથી લઈને ત્રણ વાગ્યાના સમયગાળા દરમિયાન કોઈ અજાણ્ય શખ્સ દ્વારા તેઓના ઘર પાસે તેમણે પોતાનું બાઈક નંબર જીજે 3 એફજી 2588 પાર્ક કરીને મૂક્યું હતું જે 35,000 ની કિંમત  બાઈકની ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે