મોરબીમાં મંજૂરી વગર ડ્રોન ઉડાવીને બનાવેલ વિડીયો સોશ્યલ મીડિયામાં અપલોડ કરનારા વાંકાનેરના શખ્સ સામે કાર્યવાહી

મોરબીના મયુર બ્રિજ ઉપરથી ડ્રોન કેમેરા વડે વિડીયો બનાવવામાં આવ્યો હતો અને તે વીડિયોને ઇન્સ્ટાગ્રામના આઈડી ઉપર શેર કરવામાં આવ્યો હતો જેથી જિલ્લા કલેકટરના જાહેરનામાનો ભંગ થતો હોય મોરબી બી ડિવિઝન પોલીસ સ્ટેશન ખાતે વાંકાનેરના શખ્સની સામે ગુનો નોંધીને પોલીસે આગળની રાબેતા મુજબની કાર્યવાહી હાથ ધરી છે

મોરબી જિલ્લામાં દરિયા કાંઠાનો વિસ્તાર, ટાપુઓ, ડેમ વિગેરે વિસ્તારોમાં ડ્રોન ઉડાવવા ઉપર પ્રતિબંધ મૂકતું જાહેરનામું કલેક્ટર દ્વારા સમયાંતરે પ્રસિદ્ધ કરવામાં આવે છે જો કે, મોરબીમાંથી પસાર થતા મયુરભાઈ બ્રિજ ઉપરથી ગત નવેમ્બર મહિનામાં  વાંકાનેર તાલુકાના કેરાળા ગામે રહેતા લિયાકતહુસેન અબ્દુલરહીમ બાદી (35) નામના યુવાને ડ્રોન ઉડાવીને ડ્રોન કેમેરાથી મયુર બ્રિજનો વિડીયો બનાવ્યો હતો અને ફોટો લીધેલા હતા જે પોતાના મોબાઈલ ફોનમાંથી ઇન્સ્ટાગ્રામ એકાઉન્ટ બાદી લિયાકતહુસેનમાં અપલોડ કરવામાં આવ્યા હતા જેથી કલેકટરના જાહેરનામાનો ભંગ થતો હોય હાલમાં મોરબી બી ડિવિઝન પોલીસ સ્ટેશન ખાતે જાહેરનામા ભંગનો ગુનો નોંધીને પોલીસે આરોપી લિયકાતહુસેન અબ્દુલરહીમ બાદી (35) રહે. કેરાળા તાલુકો વાંકાનેર વાળાની ધરપકડ કરેલ છે અને રાબેતા મુજબની કાર્યવાહી હાથ ધરી છે