મોરબીમાં ઘરમાં જુગાર રમતા 4 મહિલા સહિત 6 આરોપી 22,100 ની રોકડ સાથે પકડાયા

મોરબીમાં સામાકાંઠા વિસ્તારમાં આવેલ આનંદનગરમાં રહેણાંક મકાનમાં જુગાર રમતા હોવાની હકીકત આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા ચાર મહિલા સહિત કુલ છ વ્યક્તિ મળી આવ્યા હતા જેથી કરીને પોલીસે 22,100 ની રોકડ સાથે આરોપીઓને પકડીને તેની સામે બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

મોરબી બી ડિવિઝન પોલીસની ટીમ પેટ્રોલિંગમાં હતી ત્યારે સામાકાંઠે આનંદ નગરમાં રહેતા ઇન્દ્રસિંહ જાડેજાના રહેણાંક મકાનમાં જુગાર રમતા હોવાની હકીકત મળી હતી જેથી કરીને પોલીસે ત્યાં જુગારની રેડ કરી હતી ત્યારે સ્થળ ઉપરથી ઘરધણી ઇન્દ્રસિંહ નવલસિંહ જાડેજા (50) તથા રાજેશભાઈ સુખરામભાઇ સોનારથી (38) રહે રામેશ્વર મંદિર પાસે હાઉસિંગ મોરબી, સંગીતાબેન કરસનભાઈ કાથરાણી (45) રહે. વાધરવા, રીનાબેન કેયુરભાઈ મકવાણા (33) રહે. ટી કે હોટલ પાસે શિવાલિકા એપાર્ટમેન્ટ ફ્લેટ નંબર 202 મોરબી, સમાબેન સફીભાઈ જિંદાણી (38) રહે વાવડી રોડ બાવળીયા પીરની દરગાહ સામે કે જી એન પાર્ક મોરબી તથા જોસનાબેન હિંમતભાઈ ચુડાસમા (45) રહે આનંદ નગર શેરી નંબર 1 મોરબી વાળા જુગાર રમતા મળી આવ્યા હોય પોલીસે 22,100 ની રોકડ સાથે તેની ધરપકડ કરી હતી અને બી ડિવિઝન પોલીસ સ્ટેશન ખાતે જુગાર ધારા હેઠળ ગુનો નોંધી આગળની કાર્યવાહી હાથ ધરી છે