મોરબીના મોડપર ગામના પાટિયા પાસે ટ્રક ટ્રેલરના ચાલકે બાઇકને હડફેટે લેતા યુવાનનું મોત

મોરબીના પીપળીયા ચાર રસ્તાથી જામનગર તરફ જવાના રસ્તા ઉપર આવેલ મોડપર ગામ નજીક બ્રિજ ઉપરથી બાઈક લઈને યુવાન જતો હતો ત્યારે ટ્રક ચાલકે તેના બાઇકને હડફેટે લેતા અકસ્માતનો બનાવ બન્યો હતો જે બનાવમાં યુવાનનું મોત નીપજ્યું હતું અને આ બનાવ સંદર્ભે મૃતક યુવાનના કાકાએ હાલમાં મોરબી તાલુકા પોલીસ સ્ટેશન ખાતે ટ્રક ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

મૂળ ઉત્તર પ્રદેશના રહેવાસી અને હાલમાં અમદાવાદ ખાતે આવેલ જલારામ વાટિકા ન્યુ મણીનગર મકાન નંબર ડી 202 ખાતે રહેતા રાહુલભાઈ પ્રમોદભાઈ શર્મા (35)એ ટ્રક ટ્રેલર નંબર આરજે 19 જીજે 8697 ના ચાલક સામે ફરિયાદ નોંધાવેલ છે જેમાં જણાવ્યું છે કે મોરબી તાલુકાના પીપળીયા ચાર રસ્તા થી જામનગર તરફ જવા માટેનો જે હાઇવે રોડ છે ત્યાં મોડપર ગામના પાટિયા નજીક બ્રિજ ઉપરથી તેઓનો ભત્રીજો વિકાસ મુનેશભાઈ દીક્ષિત (26) બાઈક નંબર gj 4 બીએલ 9991 લઈને પસાર થઈ રહ્યો હતો ત્યારે ટ્રક ટ્રેલરના ચાલકે તેના બાઈકને હડફેટે લેતા અકસ્માત થયો હતો અને અકસ્માતના બનાવમાં ફરિયાદીના ભત્રીજાને માથામાં તથા શરીરે ગંભીર ઇજા થવાથી તેનું મોત નીપજયું હતું અને આ બનાવ સંદર્ભે મૃતક યુવાનના કાકાએ નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે