મોરબી જીલ્લામાં 75,432 વીજ ગ્રાહકો પાસેથી બિલની વસૂલાત કરવા માટે કાલથી પીજીવીસીએલની મેગા ડ્રાઈવ
Morbi Today
મોરબીની કોર્ટમાં ચાલી ગયેલ ચેક રીર્ટનના કેસમાં આરોપીને એક વર્ષની સજા-વ્યાજ સહિત ડબલ રકમ ચૂકવવા આદેશ
SHARE
JOIN OUR GROUP
મોરબીની કોર્ટમાં ચાલી ગયેલ ચેક રીર્ટનના કેસમાં આરોપીને એક વર્ષની સજા-વ્યાજ સહિત ડબલ રકમ ચૂકવવા આદેશ
મોરબીના એડી ચીફ જયુ. મેજી. સાહેબની કોર્ટમાં ચેક રીર્ટનનો કેસ ચાલી ગયો હતો જેમાં આરોપીને એક વર્ષની સજા અને ચેકની રકમની ડબલ રકમનું વળતર ચુકવવા માટેનો હુકમ કરવામાં આવેલ છે.
આ કેસની પ્રાપ્ત વિગતો એવી છે કે, ફરીયાદી SGS GRANITO LLP મોરબીની કંપની ટાઈલ્સ વેચાણ કરવાનો ધંધો કરે છે અને અને તેમની પાસેથી આરોપી સંગ્રામ સીંગ તે શ્રી યમુના ટાઈસના પ્રોપરાઈટર રહે. બક્ષર રાજય બિહાર વાળાએ ઉધારથી ટાઈલ્સની ખરીદી કરી હતી અને તે રકમ ચુકવણી કરવા પેટે આરોપીએ ફરીયાદીને રૂપીયા ૧૦,૯૮,૦૯૦ નો તા. ૧૧/૦૧/૨૦૨૪ નો સહી કરીને ચેક આપેલ હતો જે ચેક ફરીયાદીએ બેંકમાં જમાં કરાવતા તે ચેક ફંડ ઈનસફીસીયન્ટના શેરા સાથે પરત આવ્યો હતો જેથી ફરીયાદીએ ચેક રીર્ટનની લીગલ નોટીસ વકીલ બળદેવ કાચરોલા મારફત રજી. એડી.થી મોકલેલ હતી જે આરોપીને નોટીસ મળી ગયેલ તેમ છતાં આરોપીએ ચેક મુજબની રકમ ભરપાઈ કરેલ ન હતી.
જેથી ફરીયાદી દ્વારા આરોપી વિરૂધ્ધ ભારતીય વટાઉખત અધિનીયમ ની કલમ-૧૩૮ મુજબ કાર્યવાહી અર્થે તેમના વકીલ બળદેવ કાચરોલા મારફત મોરબી નામદાર કોર્ટમાં ફરીયાદ દાખલ કરેલ હતો અને આ કેસ મોરબીના મહે. એડી. ચીફ જયુ.મેજી. સાહેબની કોર્ટમાં ચાલ્યો હતો જેમાં ફરીયાદ પક્ષે રોકાયેલા મોરબીના એડવોકેટ બળદેવ પી. કાચરોલાએ કરેલી દલીલો અને કાયદાકીય જોગવાઈઓને ધ્યાનમાં રાખીને કોર્ટે આરોપી યમુના ટાઇસના પ્રોપરાઈટર સંગ્રામ સીંગને ઘી નેગોશીયેબલ ઈન્સ્ટ્રુમેન્ટ એકટની કલમ ૧૩૮ ના ગુન્હા સબબ તકસીરવાન ઠેરાવ્યો હતી અને આરોપીને એક વર્ષની સાદી કેદની સજાનો હુકમ કર્યો છે તેમજ ચેકની રકમ ૧૦,૯૮,૦૯૦ ની ડબલ રકમ ૨૧,૯૬,૧૮૦ ફરીયાદની તારીખથી વાર્ષીક ૯ ટકાના વ્યાજે વળતર પેટે ફરીયાદીને ચુકવવાનો હુકમ કરેલ છે. અને આરોપી વળતર ભરવામાં કસુર થયેથી આરોપીએ વધુ ૯૦ દિવસની સાદી કેદની સજા ભોગવવાનો હુકમ ફરમાવ્યો છે. આ કેસમાં ફરીયાદી પક્ષના વકીલ બળદેવ પી. કાચરોલા હતા.
