મોરબીમાં સોલાર ફીટ કરવાનું કહીને વૃદ્ધ સાથે ઠગાઈ કરનાર આરોપીની ધરપકડ

મોરબીમાં આવેલ સવસર પ્લોટ વિસ્તારમાં રહેતા વૃદ્ધે સોશિયલ મીડિયા મારફતે સોલાર માટેની જાહેરાત જોઈ હતી અને ત્યારબાદ સોલાર ફીટ કરવા માટે થઈને વાતચીત કરતા તેને વિશ્વાસમાં લઈને સામેવાળાએ તેની પાસેથી 16,233 રૂપિયા ઓનલાઇન ટ્રાન્સફર કરાવ્યા હતા જોકે વૃદ્ધને ત્યાં સોલાર ફીટ કરવામાં આવેલ નથી અને તેને રૂપિયા પાછા આપવામાં આવ્યા નથી જેથી ભોગ બનેલા વૃદ્ધે મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ઠગાઈનો ગુનો નોંધીને આરોપીને પકડવા માટે તજવીજ શરૂ કરી હતી અને હાલમાં આ ગુનામાં પોલીસે આરોપીની ધરપકડ કરીને આગળની કાર્યવાહી હાથ ધરી છે.

મોરબીમાં આવેલ સવસર પ્લોટ શેરી નંબર 12 માં રહેતા હિતેશભાઈ અનિલભાઈ સંઘવી (59)એ આઇસીઆઇસીઆઇ બેન્કના એકાઉન્ટ ધારક તથા તપાસમાં જે ખુલે તેની સામે ઠગાઈની ફરિયાદ નોંધાવેલ હતી જેમાં જણાવ્યું હતું કે પોતાના મકાન ખાતે ફરીયાદીએ સોલાર ફીટ કરવા ઇન્ટીફાય સોલાર પીવીટી એલટીડી નામની સોશિયલ મીડિયા મારફતે જાહેરાત જોઈ હતી અને ત્યારબાદ સોલાર ફીટ કરવા માટે થઈને આરોપીએ તેને વિશ્વાસમાં લઈને ફરિયાદી પાસેથી 16,233 રૂપિયા ઓનલાઇન ટ્રાન્સફર કરાવ્યા હતા અને ત્યારબાદ ફરિયાદીને ત્યાં સોલાર ફીટ કરવામાં આવેલ નથી અને તેને તેના પૈસા પાછા આપવામાં આવેલ નથી આવી જ રીતે સાહેદ મિતેશભાઈ ડાયાભાઇ પરમાર નામના વ્યક્તિ સાથે પણ સોલારના નામે 16,233 ની ઠગાઇ કરવામાં આવી હતી જેથી નલાઇન ફ્રોડ મામલે વૃદ્ધની મોરબી એ ડિવિઝન પોલીસ સ્ટેશન ખાતે ઠગાઈની ફરિયાદ લઈને પોલીસે આરોપીને પકડવા માટે તજવીજ શરૂ કરી હતી અને આ ગુનામાં એ ડિવિઝન પીઆઇ આર.એસ.પટેલ અને તેની ટીમે આરોપી હિરેના નાથાલાલ લાઠીયા (37) રહે. તિરુપતિ પાર્ક-2 ઠેચડા રોડ જામનગર વાળાની ધરપકડ કરેલ છે અને આગળની કાર્યવાહી કરેલ છે.