મોરબીમાં બેટરીના પાણીની આડમાં દારૂની 1248 બોટલ મંગાવનાર રાજકોટના શખ્સની ધરપકડ
SHARE
JOIN OUR GROUP
મોરબીમાં બેટરીના પાણીની આડમાં દારૂની 1248 બોટલ મંગાવનાર રાજકોટના શખ્સની ધરપકડ
મોરબીમાં આવેલ ખાનગી ટ્રાવેલ્સ બસમાં બેટરીના પાણીની આડમાં દારૂનો જથ્થો મંગાવવામાં આવ્યો હતો જો કે, પોલીસે રેડ કરીને સ્થળ ઉપરથી દારૂની જુદીજુદી બ્રાન્ડની નાની 1248 બોટલો કબજે કરી હતી તેમજ રિક્ષા સહિત કુલ મળીને 4,57,400 ના મુદ્દામાલ સાથે અગાઉ એક આરોપીની ધરપકડ કરી હતી અને હાલમાં આ ગુનામાં દારૂનો જથ્થો મંગાવનાર રાજકોટના શખ્સની ધરપકડ કરેલ છે.
મોરબી સીટી એ ડિવિઝન પોલીસ સ્ટેશનની ટીમેથોડા દિવસો પહેલા રેડ કરી હતી ત્યારે વરણીરાજ ખાનગી ટ્રાવેલ્સની બસમાં બેટરીના પાણીની આડમાં પેકિંગ કરેલા પાર્સલમાં દારૂનો જથ્થો લાવ્યા હોવાનું સામે આવ્યુ હતું અને મોરબીના લાતી પ્લોટ શેરી નં-6 ના નાકા પાસે આ પાર્સલ લોડીંગ રીક્ષા નં. જીજે 3 બીએક્સ 5810 માટે ભરેલા હતા ત્યારે સ્થળ ઉપરથી તોફિકભાઈ મહેબૂબભાઈ બુખારી નામના શખ્સને પકડવામાં આવેલ હતો અને રાધે એન્ટરપ્રાઇઝ વાપી જીઆઇડીસી લખેલ બનાવટી બિલ આધારે દારૂનો જથ્થો મંગાવ્યો હોવાનું સામે આવ્યું હતું. જેથી કરીને પોલીસે બેટરીના પાણીની 18 બોટલો, દારૂની નાની જુદી જુદી બ્રાન્ડની કુલ મળીને 1248 બોટલો અને રીક્ષા સહિત કુલ મળીને 4,57,400 ની કિંમતનો મુદ્દામાલ કબજે કર્યો હતો અને આ દારૂનો જથ્થો રાજકોટના સાહિલ હનીફભાઈ પરમારે મંગાવ્યો હોવાનું સામે આવ્યું હતું જેથી પોલીસે આરોપીને પકડવા માટે થઈને તજવીજ હાથ ધરી હતી અને હાલમાં આ ગુનામાં પોલીસે આરોપી સાહિલ ઉર્ફે સાહુ હનીફભાઈ પરમાર (23) રહે. હાથી ખાના 17 આર્ય સમાજ પાસે રામનાથ પરા મેઇન રોડ રાજકોટ વાળાની ધરપકડ કરેલ છે અને વધુમાં પોલીસ પાસેથી મળતી વિગત પ્રમાણે આ આરોપી સુરતના કામરેજ તથા અમદાવાદના બગોદરા પોલીસ સ્ટેશન વિસ્તારમાં દારૂના ગુનામાં નાસતો ફરતો હતો અને અગાઉ તેની સામે રાજકોટના પોલીસ સ્ટેશનમાં ત્રણ ગુના નોંધાયેલા છે.
