મોરબીના ઘૂટું ગામ નજીક અજાણ્યા ઇસમોએ જવલનશીલ પદાર્થ છાંટતા દાઝી ગયેલ યુવાન સારવારમાં

મોરબીના અંદરણા ગામે રહેતો યુવાન ઘુટુ કેનાલ પાસેથી પોતાની રીક્ષા લઈને જતો હતો ત્યારે કોઈ અજાણ્યા ઇસમોએ તેના ઉપર જવલનશીલ પદાર્થ છાંટતા યુવાન દાઝી ગયો હતો જેથી તેને સારવાર માટે હોસ્પિટલે ખસેડવામાં આવ્યો હતો અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મોરબી તાલુકાના અંદરણા ગામે રહેતા વસંતભાઈ અમરશીભાઈ ચાવડા (32) નામનો યુવાન પોતાના હવાલા વાળી રીક્ષા લઈને મોરબીના નજીક ઘૂટું ગામ પાસે કેનાલ નજીકથી પસાર થઈ રહ્યો હતો ત્યારે કોઈ અજાણ્યા ઇસમોએ કોઈ જવલનશીલ પદાર્થ તેના ઉપર છાંટતાં તે યુવાન દાઝી ગયો હતો જેથી તે યુવાનને તાત્કાલિક સારવાર માટે મોરબીની સિવિલ હોસ્પિટલ ખાતે લઈને લાવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરી હતી જેથી પોલીસે બનાવની નોંધ કરી આગળની કાર્યવાહી હાથ ધરી છે અને અંગેની આગળની વધુ તપાસ મોરબી તાલુકા પોલીસ સ્ટેશન ખાતે ફરજ બજાવતા નંદરામભાઇ મેસવાણીયા ચલાવી રહ્યા છે.

અકસ્માતમાં ઇજા

ટંકારા તાલુકાના હરબટીયાળી ગામ પાસે રીક્ષા જઇ રહી હતી જે રિક્ષામાં મોરબીના કુબેરનાથ મેઇન રોડ ઉપર રહેતા સહદેવસિંહ હિતુભા ઝાલા (52) નામના આધેડ બેઠેલા હતા ત્યારે પાછળથી બોલેરો ગાડીના ચાલકે રીક્ષાને હડફેટે લેતા અકસ્માત થયો હતો જે બનાવમાં આધેડને ઇજા થઇ  હોવાથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને આ બનાવની પોલીસને જાણ કરવામાં આવી છે.