મોરબીમાં જાહેરમાં જુગાર રમતા ચાર શખ્સની 10,100 ની રોકડ સાથે ધરપકડ
Morbi Today
મોરબીના નજીક અકસ્માત સર્જીને ટ્રક ડ્રાઇવરનું મોત નિપજાવનાર ટ્રક ચાલકની ધરપકડ
SHARE
JOIN OUR GROUP
મોરબીના નજીક અકસ્માત સર્જીને ટ્રક ડ્રાઇવરનું મોત નિપજાવનાર ટ્રક ચાલકની ધરપકડ
મોરબીના સોખડા ગામ નજીક વાહન અકસ્માતનો બનાવ બન્યો હતો જેમાં ટ્રક ચાલક પોતાના ટ્રકની કેબિન બાજુ જતો હતો ત્યારે પાછળથી આવી રહેલા ટ્રકના ચાલકે તેને હડફેટે લેતા ચગદાઈ જવાથી આધેડનું મોત નીપજયું હતું જે બનાવની ફરિયાદ આધારે પોલીસે આરોપીની ધરપકડ કરીને આગળની કાર્યવાહી કરેલ છે.
મોરબી તાલુકા પોલીસ સ્ટેશને ધનાભાઈ બેરાજભાઈ ચનપા નામના વ્યક્તિએ અજાણ્યા ટ્રક કન્ટેનર ચાલક સામે તા.6/3 ના રોજ ફરિયાદ નોંધાવેલ હતી કે, મોરબીના સોખડા ગામના પાટીયા નજીકથી ગત તા. 24/2 ના રોજ બપોરના એકાદ વાગ્યાના અરસામાં તેઓ ટ્રક લઈને જતા હતા ત્યારે તેમના ટ્રકમાં પાછળ અવાજ આવતો હતો જેથી ટ્રકના ડ્રાઇવર નુરમામદભાઈ હુસેનભાઇ રૂંજા રહે. ગાંધીનગર ઓખા મંડળ દેવભૂમિ દ્વારકા વાળાએ પોતાનો ટ્રક રોડ સાઈડમાં પાર્ક કર્યો હતો અને નીચે ઉતરીને પાછળની બાજુ અવાજ આવતો હતો ત્યાં જોવા મળે ગયા હતા ત્યાર બાદ તેઓ ટ્રક નીચેથી નીકળીને પરત પોતાના ટ્રકની કેબિન તરફ આવવા માટે રોડ ઉપર આવ્યા ત્યારે પાછળથી આવેલા અજાણ્યા ટ્રકના ચાલકે તેઓને હડફેટે લીધા હતા જેથી કરીને નુરમામદને માથા અને પગમાં ગંભીર ઇજા થયેલ હોવાથી તેનું મોત નીપજયું હતું. જે બનાવની ફરિયાદ નોંધાયેલ હતી જેની તપાસ પીએસઆઈ ડી.ડી. જોગેલા અને તેની ટિમ કરી રહી હતી અને આ ગુનામાં પોલીસે આરોપી ધારાસીંગ સાદુરસિંગ ગુર્જર રહે. સુલતાનપુર ખેરલા મહુવા છેપરા રાજસ્થાન વાળાની ધરપકડ કરીને આગળની કાર્યવાહી હાથ ધરી છે
અકસ્માતમાં દંપતિ અને દીકરીને ઇજા
મોરબીના રફાળેશ્વર ગામ પાસે વાહન અકસ્માતનો બનાવ બન્યો હતો જે બનાવમાં બ્રિજેશભાઈ રમેશભાઈ ભંખોડીયા (43), અક્ષીતાબેન બ્રિજેશભાઈ ભંખોડીયા (40) અને અંજનાબેન બ્રિજેશભાઈ ભંખોડીયા (20) રહે. નજરબાગ રોડ મોરબી વાળાઓને ઈજા થયેલ હતી જેથી તેઓને સારવાર માટે મોરબીની સિવિલ હોસ્પિટલ ખાતે લાવ્યા હતા ત્યા તેઓને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે અકસ્માતના બનાવની નોંધ કરી આગળની કાર્યવાહી હાથ ધરી છે.
