મોરબીના ફાટસર ગામે જાહેરમાં જુગાર રમતા પાંચ પકડાયા
SHARE
JOIN OUR GROUP
મોરબીના ફાટસર ગામે જાહેરમાં જુગાર રમતા પાંચ પકડાયા
મોરબી તાલુકા પોલીસે બાતમીના આધારે તાલુકાના ફાટસર ગામે રેડ કરતા જાહેરમાં જુગાર રમી રહેલા પાંચ પતાપ્રેમીઓ રોકડ રકમ સાથે પકડાયા હતા.
તાલુકા પોલીસ સૂત્રોના જણાવ્યા પ્રમાણે, સ્ટાફને મળેલી બાતમીને આધારે મોરબી તાલુકાના ફાટસર ગામે બીપીએલ વાળી શેરીમાં મોડીરાત્રીના રેડ કરવામાં આવતા જાહેરમાં જુગાર રમવામાં આવતો હોય સ્થળ ઉપરથી ડાયાભાઈ ભોજાભાઈ ગજીયા જાતે બોરીચા (ઉ.53), સુખદેવસિંહ બચુભા જાડેજા જાતે દરબાર (ઉ.55), દૈવતસિંહ મયુરધ્વજસિંહ જાડેજા જાતે દરબાર (ઉ.31), મહાવિરસિંહ કનુભા જાડેજા જાતે દરબાર (ઉ.42) અને ધર્મેન્દ્રસિંહ ઉર્ફે ધરમશી વિસનજીભાઈ હસોલા જાતે લુહાર (ઉ.45) રહે. બધા ફાટસર તા.જી. મોરબીની રોકડા રૂા.20300 સાથે અટકાયત કરી તેઓ સામે તાલુકા પોલીસ મથકે ગુન્હો દાખલ કરાયો હતો.
વાહન અકસ્માતમાં કાર્યવાહી
મોરબીની અવની ચોકડીથી ઉમીયા સર્કલ વચ્ચે ટુવ્હીલર બાઈકને કાર ચાલકે હડફેટે લેતા બે યુવાનોને ઈજા પહોંચી હતી. જે અંગે નોંધાયેલ ફરિયાદની તપાસ દરમ્યાન મોરબી સીટી એ ડીવીઝન પોલીસે અકસ્માત સર્જનાર સફેદ કલરની સ્વીફટ કાર નંબર જી.જે.3 ઈઆર 8286ના ચાલક દિલીપભાઈ હરીભાઈ પાંચોટીયા જાતે પટેલ (ઉ.વ.35) રહે. રાધે હાઈટસ રવાપર તા.જી. મોરબી સામે અટકાયતી પગલા લીધા હતા અને બાદ જામીન મુકત કરાયા હતા.
