મોરબીના રંગપર અને પાનેલી ગામ પાસે જુદાજુદા કારખાના બનેલા બે બનાવમાં બે યુવાનના મોત

મોરબીના રંગપર ગામ પાસે આવેલ સીરામીક કારખાનામાં પતરા ઉપર સફાઈ કરતા સમયે પતરું તૂટી જવાના કારણે નીચે પટકાયેલ યુવાનનું સારવાર દરમ્યાન મોત નીપજયું છે જ્યારે મોરબીના પાનેલી ગામ પાસે સીરામીક કારખાનામાં દિવાલ ઉપરથી નીચે પટકાતા ઈજા પામેલ યુવાનનું મોત નીપજયું છે આ બંને બનાવની મોરબી તાલુકા પોલીસે નોંધ કરી આગળની કાર્યવાહી હાથ ધરી છે

મોરબી તાલુકાના રફાલેશ્વર ગામે રહેતો કાનજીભાઈ વિક્રમભાઈ પરમાર (22) નામનો યુવાન મોરબી તાલુકાના જેતપર રોડ ઉપર આવેલ રંગપર ગામ પાસે કે.જી.એલ. સીરામીક કારખાનામાં સિમેન્ટના પતરા ઉપર ચડીને કચરો સાફ કરી રહ્યો હતો દરમિયાન અકસ્માતે સિમેન્ટનું પતરું તૂટી ગયું હતું અને યુવાન ઊંચાઈ ઉપરથી નીચે પટકાયો હતો જેથી તે યુવાનને ઈજા થઈ હોવાથી પ્રથમ સારવાર માટે મોરબીની ત્યારબાદ વધુ સારવાર માટે રાજકોટ સુધી લઈ ગયા હતા જોકે સારવાર કારગત ન નિવડતા તે યુવાનનું મોત નીપજ્યું હતું ત્યારબાદ તેના મૃતદેહને પીએમ માટે હોસ્પિટલે લઈ ગયા હતા અને આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે

મોરબી તાલુકાના લાલપર ગામે રહેતા આરીફઅલી આલમગીર (23) નામનો યુવાન મોરબી તાલુકાના પાનેલી ગામની સીમમાં આવેલ કેડા સીરામીક નામના કારખાનામાં કામ કરી રહ્યો હતો દરમિયાન કોઈ કારણોસર તે દિવાલ ઉપરથી નીચે પડી જતા તેને ગંભીર ઇજા થઈ હતી જેથી તે યુવાનનું મોત નીપજયું હતું ત્યાર બાદ તેના મૃતદેહને પીએમ માટે મોરબીની સરકારી હોસ્પિટલે લઈ ગયા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુ ના બનાવની નોંધ કરી આગળની કાર્યવાહી હાથ કરી છે