મોરબીના શોભેશ્વર રોડે ઘરમાં જુગાર રમતા પાંચ શખ્સ પકડાયા

મોરબીના શોભેશ્વર રોડ ઉપર આવેલ ઘરમાં જુગાર રમતા હોવાની એલસીબીની ટીમે બાતમી મળી હતી જેના આધારે ત્યાં જુગારની રેડ કરી હતી ત્યારે જુગાર રમતા પાંચ શખ્સો મળી આવ્યા હતા જેથી પોલીસે ૬૦,૫૦૦ ની રોકડ કબજે કરીને આરોપીઓની ધરપકડ કરીને આગળની કાર્યવાહી કરી હતી.

મોરબી એલસીબીની ટીમ પેટ્રોલીંગમાં હતી ત્યારે મોરબીમાં કુબેર ટોકીઝ પાછળ શોભેશ્વર રોડે મફતીયાપરામાં રહેતા રાજુભાઈ બાબુભાઇ ચૌહાણના ઘરે જુગાર રમતા હોવાની હક્કિત મળી હતી જેના આધારે પોલીસે ત્યાં જુગારની રેડ કરી હતી ત્યારે ઘરમાં જુગાર રમતા રાજુભાઇ બાબુભાઇ ચૌહાણ (૫૪), અબ્દુલભાઇ મામદભાઈ જુણાજ (૫૬) રહે. જુના બસસ્ટેન્ડ પાસે ધાંચી શેરી મોરબી, સફીર તારમહમંદભાઈ મોટલાણી (૪૯) રહે. સબજેલ પાછળ બોરીયાવાસ મોરબી, ભુપેન્દ્રસિંહ ખોડુભા પરમાર (૫૭) રહે. નવા હાઉસીંગ બોર્ડ બ્લોક નંબર ૨૩૧ મોરબી અને ઇસ્માઇલ કાદરખાન બ્લોચ (૪૮) રહે. મકરાણીવાસ રોહીલાપીરની દરગાહ પાસે મોરબી વાળા મળી આવ્યા હતા જેથી પોલીસે ૬૦,૫૦૦ ની રોકડ સાથે આરોપીઓની ધરપકડ કરી હતી અને મોરબી બી ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે.