હળવદના જુના દેવળીયા ગામે ઘરમાંથી દારૂની ૯૬ બોટલ ઝડપાઇ: આરોપીની શોધખોળ
SHARE
JOIN OUR GROUP
હળવદના જુના દેવળીયા ગામે ઘરમાંથી દારૂની ૯૬ બોટલ ઝડપાઇ: આરોપીની શોધખોળ
હળવદ તાલુકાના જુના દેવળીયા ગામથી ચરાડવા ગામ તરફ જવાના રસ્તા ઉપર રહેતા શખ્સનાં ઘરમાં દારૂની રેડ કરવામાં આવી હતી ત્યારે તેના ઘરમાંથી દારૂની નાની ૯૬ બોટલો મળી આવતા પોલીસે દારૂનો જથ્થો કબજે કર્યો હતો જોકે, આરોપી ઘરે હાજર ન હોવાથી તેની સામે ગુનો નોંધી પોલીસે તેને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ હળવદ તાલુકા પોલીસની ટીમ પેટ્રોલિંગમાં હતી ત્યારે હળવદ તાલુકાના જૂના દેવળીયા ગામે રહેતા ફિરોજભાઈ સંધવાણીના રહેણાંક મકાનમાં દારૂનો જથ્થો હોવાની હકીકત મળી હતી તેના આધારે જૂના દેવળીયાથી ચરાડવા ગામ તરફ જવાના રસ્તા ઉપર આવેલ આરોપીના ઘરે પોલીસે દારૂની રેડ કરી હતી ત્યારે ઘરમાંથી દારૂની નાની ૯૬ બોટલો મળી આવતા પોલીસે ૯૬૦૦ ની કિંમતનો દારૂનો જથ્થો સ્થળ ઉપરથી કબજે કર્યો હતો અને આરોપી ફિરોજભાઈ ઈશાભાઈ સંધવાણી રહે. જુના દેવળીયા તાલુકો હળવદ વાળો ઘરે હાજર ન હોવાથી તેની સામે હળવદ તાલુકા પોલીસ સ્ટેશન ખાતે ગુનો નોંધી પોલીસે તેને પકડવા માટે તજવીજ શરૂ કરી છે
