મોરબીના અણીયારી ગામેથી બે બાઈકની ચોરી કરનારા આરોપીની ધરપકડ

મોરબી તાલુકાના અણીયારી ગામેથી બે વ્યક્તિઓના બાઈકની ચોરી કરવામાં આવી હતી જેથી ભોગ બનેલા બંને વ્યક્તિઓ દ્વારા મોરબી તાલુકા પોલીસ સ્ટેશન ખાતે વાહન ચોરીની જુદી જુદી બે ફરિયાદ નોંધાવી હતી જેના આધારે પોલીસે આરોપીને પકડવા માટે ચક્રોગતિમાન કરેલ હતા અને આ ગુનામાં હાલમાં પોલીસે બંને બાઈકની ચોરી કરનારા આરોપીની ધરપકડ કરેલ છે

જાણવા મળતી માહિતી મુજબ મોરબી તાલુકાના અણીયારી ગામે રહેતા પ્રવીણભાઈ મનજીભાઈ લોરીયા જાતે પટેલ (૫૪)એ થોડા સમય પહેલા પોતાના ઘર પાસે શેરીમાં તેનું બાઈક નંબર જીજે ૩૬ એમ ૫૨૪૬ પાર્ક કરીને મૂક્યું હતું જે ૨૦ હજાર રૂપિયાની કિંમતના બાઈકની ચોરી કરવામાં આવી હતી આવી જ રીતે અણીયારી ગામે દિનેશભાઈ પટેલની વાડીએ રહેતા સુકાભાઇ ભુદરિયાભાઈ વસુનિયા જાતે આદિવાસી (૩૪)એ અણીયારી ગામે પાધેડા નામની સીમમાં રોડ ઉપર તેનું બાઈક નંબર એમપી ૪૫ એમઆર ૮૪૫૧ પાર્ક કરીને મૂક્યું હતું જે ૪૦ હજારની કિંમતના બાઈકની ચોરી કરવામાં આવી હતી જેથી આ બંને બાઈક ચોરીની મોરબી તાલુકા પોલીસ સ્ટેશન ખાતે ફરિયાદ નોંધાઇ હતી જેના આધારે નોંધાયેલ ચોરીના ગુનામાં આરોપીને પકડવા માટે મોરબી તાલુકા પોલીસ સ્ટેશનના જે.બી. પરમાર તપાસ ચલાવી રહ્યા હતા અને આ બંને બાઇક ચોરી કરનાર આરોપી હમીર મોતીભાઈ મઢુતરીયા જાતે કોળી (૨૪) રહે. ગેડી તાલુકો રાપર વાળાની પોલીસે ટ્રાન્સફર વોરંટના આધારે ધરપકડ કરી હતી અને ચોરીમાં ગયેલા બંને બાઇકને પોલીસે આરોપી પાસેથી રિકવર કરેલ છે

યુવાન સારવારમાં

મોરબીમાં આવેલ યદુનંદન પાર્કમાં રહેતા મયુરસિંહ જાડેજા નામનો વ્યક્તિ મોરબીમાં અરુણોદય નગર પાસે હતો ત્યારે ત્યાં કોઈ અજાણી લિક્વિડ પી જતા તેને તાત્કાલિક સારવાર માટે મોરબીમાં આવેલ ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી કરેલ છે અને વધુ તપાસ જે.જે. ડાંગર ચલાવી રહ્યા છે

બાઇક સ્લીપ

મોરબી નજીકના રફાળેશ્વર ગામે રહેતા મુલાયમભાઈ સુરેશભાઈ ભારતી (૨૮) નામનો યુવાન મોરબી વાંકાનેર હાઇવે રોડ ઉપર આવેલ દરિયાલાલ હોટલ નજીકથી બાઇક લઈને પસાર થતો હતો ત્યારે ત્યાં બાઇક સ્લીપ થઈ ગયું હતું અને અકસ્માત થયો હતો જેમાં ઇજા થવાના કારણે તે યુવાનને સારવાર માટે મોરબીની ખાનગી હોસ્પિટલમાં લાવ્યા હતા ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ એ.એમ. ઝાપડિયા ચલાવી રહ્યા છે

બાઇક નીચે પડતાં સારવારમાં

મોરબીના પાનેલી રોડ ઉપર આવેલા ક્રિસ્ટલ કેમિકલ ખાતે રહેતા હરેશ દેવજીભાઈ લોદરીયા (૨૨) નામનો યુવાન મકનસર ગામની સીમમાં પોલીસ હેડ ક્વાર્ટર પાસેથી પસાર થઈ રહ્યો હતો ત્યારે ત્યાં કોઈ કારણોસર તે સર્વિસ રોડ ઉપર બાઈક ઉપરથી નીચે પડી જતા તેને ઈજા થઈ હતી જેથી તેને સારવાર માટે મોરબીની ક્રિષ્ના હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરીને  આગળની કાર્યવાહી હાથ ધરી છે અને આગળ વધુ તપાસ એ.એમ. ઝાપડિયા ચલાવી રહ્યા છે