મોરબીની લીલાપર ચોકડીએ આવેલ સ્પાના સંચાલકની પોલીસે કરી ધરપકડ

મોરબીની લીલાપર ચોકડી પાસે આવેલ પેટ્રોલ પંપની સામેના ભાગમાં શોપિંગ સેન્ટરમાં સ્પા આવેલ છે અને ત્યાં કામ કરતા કર્મચારીઓની વિગત સ્થાનિક પોલીસ સ્ટેશનમાં આપવામાં આવી ન હતી જેથી સ્પાના સંચાલકની ધરપકડ કરી તેની સામે જાહેરનામાના ભંગનો મોરબી તાલુકા પોલીસ સ્ટેશન ખાતે ગુનો નોંધી પોલીસે આગળની રાબેતા મુજબની કાર્યવાહી હાથ ધરી છે

મોરબી જિલ્લાના જુદા જુદા વિસ્તારમાં આવેલ સ્પામાં નોકરી કરતા કર્મચારીઓની વિગત સ્થાનિક પોલીસ સ્ટેશનમાં આપવી તેમજ ત્યાં સીસીટીવી કેમેરા બેકઅપ વાળા રાખવા માટે કલેકટર દ્વારા અગાઉ જાહેરમાં પ્રસિદ્ધ કરવામાં આવેલ છે તેમ છતાં પણ તેની ઘણી જગ્યાએ અમલવારી થતી ન હોય તેવું જોવા મળે છે દરમિયાન ગઈકાલે બે જુદાજુદા સ્પાના સંચાલકો સામે જુદા જુદા પોલીસ સ્ટેશનમાં ફરિયાદો નોંધાવવામાં આવી હતી ત્યારબાદ મોરબી જિલ્લા એસઓજીની ટીમે મોરબીની લીલાપર ચોકડી પાસે આવેલ પેટ્રોલ પંપની સામેના ભાગમાં શોપિંગ સેન્ટરમાં આવેલા એલ.એસ. સ્પામાં ચેક કરવામાં આવ્યું હતું ત્યારે તેના સંચાલક દ્વારા ત્યાં કામ કરતા કર્મચારીઓની બાયોડેટા સાથેનું ફોર્મ ભરીને પોલીસ સ્ટેશનમાં જાણ કરવામાં આવી ન હતી જેથી કલેકટરના જાહેરનામાંનો ભંગ થતો હોય સ્પાના સંચાલક હરપાલભાઈ પ્રવીણભાઈ રાઠોડ જાતે દલવાડી (૨૧) રહે, લીલાપર ચોકડી મોરબી મૂળ રહે ધરમપુર સોસાયટી રેલવે સ્ટેશન પાછળ જામખંભાળિયા જિલ્લો દ્વારકા વાળાની ધરપકડ કરી તેની સામે મોરબી તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે