મોરબીમાં લેન્કો એલ્યુમિનિ એસો. દ્વારા એલ.ઇ. કોલેજમાં ૧૩ મોં ગોલ્ડ મેડલ એવોર્ડ ફંકશન યોજાયો
SHARE
JOIN OUR GROUP
મોરબીમાં લેન્કો એલ્યુમિનિ એસો. દ્વારા એલ.ઇ. કોલેજમાં ૧૩ મોં ગોલ્ડ મેડલ એવોર્ડ ફંકશન યોજાયો
મોરબીમાં આવેલ લખધીરજી એન્જીન્યરીંગ કોલેજ ખાતે અભ્યાસ કરતા વિદ્યાર્થીઓ માટે કોલેજના પૂર્વ વિધાર્થીઓનું સંગઠન લેન્કો એલ્યુમિનિ એસોસિયેશન દર વર્ષે કોલેજની વિવિધ શાખાઓ અને વિષયોમાં ટોપ કરતા વિધાર્થીઓને ગોલ્ડ મેડલ એનાયત કરી તેમની સિધ્ધિઓને નવાજે છે.
તાજેતરમાં લેન્કો એલ્યુમિનિ એસો. દ્વારા ૧૩ મો ગોલ્ડ મેડલ એવોર્ડ ફંકશન લખધીરજી એન્જીન્યરીંગ કોલેજ ખાતે યોજાયું હતું અને કોરોના મહામારીને કારણે વચ્ચેના સમયમાં ગોલ્ડ મેડલ એવોર્ડ ફંકશનનું આયોજન થઈ શક્યું ન હતું એટલે આ વખતે વર્ષ ૨૦૨૧, ૨૦૨૨ અને ૨૦૨૩ ના ટોપર વિધાર્થીઓને એકીસાથે ગોલ્ડ મેડલ એનાયત કરવામાં આવ્યા હતા અને કુલ ૩૬ ગોલ્ડ મેડલ વિજેતા વિદ્યાર્થીઓ તેમના વાલીઓ સાથે ઉપસ્થિત રહ્યા હતા. આ કાર્યક્રમના મુખ્ય મહેમાન તરીકે ગુજરાત વોટર ઈન્ફ્રાસ્ટ્રક્ચર લી.ના ચીફ જનરલ મેનેજર ધારા વ્યાસ ઉપસ્થિત રહ્યા હતા અને વિધાર્થીઓનો ઉત્સાહ વધાર્યો હતો. આ તકે અતિથિ વિશેષ એલ.ઇ. કોલેજના પ્રિન્સીપાલ બી.એમ. સુથાર, લેન્કો એલ્યુમિનિ એસો.ને હરહંમેશ સહયોગ આપે છે.
આ કાર્યક્રમમાં વર્ષ ૧૯૬૮ થી લઈને ૨૦૨૩ પાસ આઉટ થયેલા ૨૨૫ થી વધારે પૂર્વ વિધાર્થી મિત્રોએ સાથે મળીને ખુબ આનંદ કર્યો હતો અને ખાસ કરીને કોલેજના છોકરાઓને ડાન્સ કરતા જોઈને ૫૦ થી લઈને ૭૫ વર્ષના લેન્કો મિત્રો પણ સ્ટેજ પર ચડીને ધમાલ મસ્તી અને ડાન્સ કરવા લાગ્યા હતા. આ લેન્કો એલ્યુમિનિ એસો.ના ફાઉન્ડર પ્રેસિડેન્ટ હરીશ રંગવાલાના સહયોગથી લેન્કો એલ્યુમિનિ એસો. દ્વારા કોલેજમાં ૨૦ ફુલ્લી ઈકવીપડ કોમ્પ્યુટર સાથે નવી લેન્ગવેજ લેબ શરૂ કરવામાં આવી હતી આ કોલેજ કેમ્પસમાં લેન્કો એલ્યુમિનિ એસો. દ્વારા ફુલ્લી ફર્નીશ્ડ ઓફિસ તૈયાર કરવામાં આવી છે જેથી કોલેજ કેમ્પસમાં આવતા પૂર્વ વિધાર્થીઓ હવે ઓફીસમાં બેસીને ગેટ ટુ ગેધરનો આનંદ લઇ શકશે. આ કાર્યક્રમ ને સફળ બનાવવા માટે લેન્કો એલ્યુમિનિ એસો.ના પ્રેસિડેન્ટ અમૃત મેનપરા, વાઈસ પ્રેસિડેન્ટ હસમુખ ઉભડીયા, સેક્રેટરી જયદેવ શાહ અને નરસંગ હુંબલે ભારે જહેમત ઉઠાવી હતી. અને લેન્કો એલ્યુમિનિ એસો. મોરબી ચેપ્ટરના પ્રેસિડેન્ટ પરેશ પટેલનો ઉમદા સહયોગ રહ્યો હતો
