મોરબી નજીક સિરામિક કારખાનામાંથી દારૂ-બીયર ભરેલ ટ્રક સાથે બેની ધરપકડ, ૫.૫૭ લાખનો મુદામાલ કબજે
Morbi Today
મોરબી જીલ્લા રાજપૂત કરણી સેનાની મધુપુર ગામે આવેલા મંદિરે સાધારણ સભા યોજાઈ
SHARE
JOIN OUR GROUP
મોરબી જીલ્લા રાજપૂત કરણી સેનાની મધુપુર ગામે આવેલા મંદિરે સાધારણ સભા યોજાઈ
મોરબી જીલ્લા રાજપૂત કરણી સેનાની તાજેતરમાં મોરબી તાલુકાનાં મધુપુર ગામે આવેલ મેલડી માતાજીના મંદિર ખાતે રાષ્ટ્રીય સંયોજક પ્રવિણસિંહ ઝાલાના અધ્યક્ષસ્થાને સાધારણ સભાની બેઠક મળી હતી જેમાં રાજપુત કરણી સેનાના તાલુકા પ્રમુખો, જીલ્લા પ્રભારી તેમજ શહેર અને જીલ્લા પ્રમુખો સહિતના યુવાનો બહોળી સંખ્યામાં હાજર રહ્યા હતા આ બેઠકમાં મોરબી જીલ્લા રાજપુત કરણી સેનાની કારોબારી સમિતિ બનાવવામાં આવી હતી. જેમાં સંગઠનના સંચાલનની જવાબદારી કારોબારી સભ્યોને આપવામાં આવેલ છે તેમજ કારોબારીની મિટિંગ મહીનાના છેલ્લા રવિવારે મળશે અને જીલ્લાની સામાન્ય સભા દર ત્રણ મહિને અલગ-અલગ તાલુકામાં મળશે તેવો નિર્ણય કરવામાં આવ્યો હતો. તેમજ ખાસ કરીને સમાજના વિદ્યાર્થીઓ, આર્થિક રીતે નબળા લોકો, રાજપુત સમાજના વિધવા બહેનોને સહાય અને તેમના બાળકોને શિક્ષણ માટે પુસ્તકો આપવા જેવા સમાજ ઉપયોગી કાર્યો માટે ભંડોળ ઉભું કરવાનું આયોજન આ મિટીંગમાં કરવામાં આવ્યું હતું. આ તકે દીગુભા ઝાલા (જીલ્લા પ્રભારી), જયદેવસિંહ ઝાલા (મોરબી જીલ્લા પ્રમુખ) તેમજ વાંકાનેર, હળવદ, ટંકારા, માળિયા તાલુકાના હોદ્દેદારો ઉપસ્થિત રહ્યા હતા.
