મોરબી : પીયરમાં રિસામણે આવેલ મહિલાનું સાસરીમાં સુખદ સમાધાન કરાવતી અભયમ ટીમ
SHARE
JOIN OUR GROUP
મોરબી : પીયરમાં રિસામણે આવેલ મહિલાનું સાસરીમાં સુખદ સમાધાન કરાવતી અભયમ ટીમ
અભયમ ટીમના કુશળ કાઉન્સિલિંથી એક મહિલાનું સાંસારિક જીવન ઉજળતા બચ્યુ
મોરબી અભયમ ૧૮૧ ઉપર એક પીડિતાનો કોલ આવેલ કે પોતે એક માસથી રિસામણે છે અને સાસરીમાં જવું હોવાથી તેમના સાસરિપક્ષને સમજાવા છે માટે મદદની જરૂર છે.ત્યારબાદ ૧૮૧ ના કાઉન્સિલર સેજલ પટેલ કોન્સ્ટેબલ જ્યોત્સનાબેન, પાયલોટ પ્રદીપભાઈ સહીતના મહિલાની મદદ માટે પહોચ્યા હતા.
ત્યારબાદ તે મહિલાનું કાઉન્સિલિંગ કરેલ જેમા મહિલાના લગ્નના ત્રણ વર્ષ થયેલ હોય તેમણે સંતાનમા એક દીકરી હોય તેઓ એક મહિનાથી તેમના પિયરમાં રિસામણે હોય મહિલા તેમની બાળકી સાથે તેમની સાસરીમાં આવેલ હોય પરંતુ તેમના સાસરિપક્ષ સ્વીકારવાની ના પાડતા હોય ત્યારબાદ તેમના સાસરિપક્ષનું ૧૮૧ ની ટીમે કાઉન્સિલિંગ કરેલ તો તેમણે જણાવેલ કે તેઓ તેમના પતિ ઉપર ખોટી શંકા કરતા હોવાથી કાયમ નાનીનાની બાબતે ઝગડા કરતા હોય માટે ટીમ દ્વારા મહિલા તેમજ સાસરિપક્ષનું કુશળતાપૂર્વક કાઉન્સિલિંગ કરવામાં આવેલ નૈતિક ફરજ વિશે સમજાવેલ મહિલાએ પોતાની ભૂલ સ્વીકારતા જણાવેલ કે તેઓ હવે પછી તેમના પતિ ઉપર ખોટી શંકા નહિં કરે. ત્યારબાદ મહિલાના સાસરિપક્ષ મહિલાને સ્વીકારવા માટે તૈયાર થતા મહિલાને સલાહ સૂચન માર્ગદર્શન આપી ટીમ દ્વારા મહિલાનું સાસરીમાં પુનઃસ્થાપન કરવામાં આવેલ મહિલાએ ટીમનો આભાર વ્યક્ત કરેલ. આ કામગીરીમાં પોલીસની સી-ટીમ તથા મહિલા સહાયતા કેન્દ્રની પણ મદદ લેવામાં આવી હતી.
