મોરબીની લખધીરપુર ચોકડી પાસે બે બાઇક અથડાયા : બંને ઇજાગ્રસ્ત યુવાનોને રાજકોટ ખસેડાયા
Morbi Today
મોરબીના માંડલ ગામ પાસે થયેલ વાહન અકસ્માતમાં ઘવાયેલ યુવાન સારવારમાં ખસેડાયો
SHARE
JOIN OUR GROUP
મોરબીના માંડલ ગામ પાસે થયેલ વાહન અકસ્માતમાં ઘવાયેલ યુવાન સારવારમાં ખસેડાયો
મોરબીના હળવદ રોડ ઉપર માંડલ ગામ પાસે વાહન અકસ્માતનો બનાવ સર્જાયો હતો.જેમાં ઇજા પામેલ યુવાનને મોરબી સિવિલ બાદ વધુ સારવાર માટે હાલ ખાનગી હાસ્પિટલે લઈ જવાયો હોવાનું જાણવા મળેલ છે.મોરબી તાલુકા પોલીસ સુત્રોના જણાવ્યા પ્રમાણે હળવદ રોડ ઉપરના માંડલ ગામ પાસે વાહન અકસ્માતનો બનાવ બન્યો હતો.જે બનાવમાં ઇજા થવાથી ધવલસિંહ જશુભા ગોહેલ (ઉમર ૨૮) રહે.રામકો વિલેજ સોસાયટી, ઘુંટું તા.જી.મોરબી ને ઇજાઓ પહોંચી હોય મોરબીની સિવિલ હોસ્પિટલે સારવાર માટે લાવવામાં આવ્યો હતો અને ત્યાંથી તેને વધુ સારવાર માટે હાલ અહિંની આયુષ હોસ્પિટલે લઇ જવામાં આવ્યો હોવાનું જાણવા મળેલ છે.પોલીસ સૂત્રોના જણાવ્યા પ્રમાણે હળવદ રોડ ઉપર આવેલ કયુ સેવન સીરામીક પાસેથી ધવલસિંહ બાઈક લઈને જતો હતો ત્યારે અજાણ્યા વાહનની હડફેટે ચડી જવાથી ઇજા થતા તેને સારવારમાં ખસેડાયો હતો.
મારામારીમાં ઇજા થતા સારવારમાં
મોરબી-વાંકાનેર હાઇવે ઉપર આવેલા રફાળેશ્વર ગામે વેલનાથપરા વિસ્તારમાં થયેલ મારામારીના બનાવમાં ઇજા પામેલા સુરેશભાઈ જેસાભાઇ સાલાણી નામના ૨૦ વર્ષના યુવાનને ઇજાઓ થતા તેને અહીંની સિવિલ હોસ્પિટલમાં સારવાર માટે લાવવામાં આવ્યો હતો.
વાહન અકસ્માતમાં ઇજા થતા સારવારમાં
મોરબીના પીપળી ગામ પાસે આવેલ મારૂતિ સોસાયટી વિસ્તારમાં રહેતા રઘુનાથ મારંડી નામના ૨૨ વર્ષના યુવાનને મોરબીના જેતપર રોડ ઉપર રેંજ સીરામીક પાસે આવેલ પેટ્રોલ પંપ નજીક બાઇક સ્લીપ થઈ જવાના બનેલ અકસ્માત બનાવમાં ઇજા થવાથી તેને શહેરના સામાકાંઠે આવેલ શિવમ હોસ્પિટલમાં સારવાર માટે લઈ જવાયો હતો અને તે બાબતે જાણ થતા પોલીસ દ્વારા નોંધ કરીને આગળની તપાસ કરવામાં આવી હતી.
બાઇક સ્લીપ થતા ઇજા
મોરબીના રવાપર ગામે આવેલ બોનીપાર્ક વિસ્તારના ગોલ્ડન હાઇટ એપાર્ટમેન્ટમાં રહેતા કલ્પેશ અંબારામભાઈ વિલપરા નામના ૪૦ વર્ષના યુવાનને બોનિપાર્ક વિસ્તારના ખૂણે બાઇક સ્લીપ થઈ જવાના બનેલા અકસ્માત બનાવમાં ઇજાઓ થતા તેને ખાનગી હોસ્પિટલે સારવારમાં ખસેડાયો હતો બનાવને પગલે પોલીસે નોંધ કરી આગળની તપાસ કરી હતી.
યુવાન સારવારમાં
મોરબીના જુના બસ સ્ટેશન પાસે આંચકી ઉપડતા ૧૦૮ વડે જયેશભાઈ કાળુભાઈ મારવાડી (ઉમર ૨૫) રહે.નરોડા અમદાવાદને સારવાર માટે લઈ જવાયો હતો.
