મોરબીમાં માર્કેટ યાર્ડની છત ઉપર જુગાર રમતા ત્રણ પકડાયા
SHARE
JOIN OUR GROUP
મોરબીમાં માર્કેટ યાર્ડની છત ઉપર જુગાર રમતા ત્રણ પકડાયા
મોરબીના શનાળા રોડ ઉપર માર્કેટયાર્ડમાં સી લાઇનની છત ઉપર જુગાર રમતા હોવાની હકીકત પોલીસને મળી હતી.જેના આધારે પોલીસે ત્યાં જુગારની રેડ કરી હતી.ત્યારે સ્થળ ઉપરથી જુગાર રમતા મનસુખભાઈ ત્રિભોવનભાઈ સવસાણી (ઉમર ૫૧) રહે.અવની ચોકડી ગુરુકૃપા એપાર્ટમેન્ટ બ્લોક નં-૪ મોરબી, કલ્પેશભાઈ ગણેશભાઈ મારવાણીયા (ઉમર ૩૮) રહે.કામધેનું પાર્ટી પ્લોટ સામે શ્રીજી ટાવર બ્લોક નં- ૧૦૩ મોરબી અને કિશોરભાઈ પ્રભુભાઈ સવસાણી (ઉમર ૩૩) રહે.રવાપર ઘુનડા રોડ ઉમિયાનગર મોરબી વાળા જુગાર રમતા મળી આવ્યા હતા જેથી પોલીસે તેની પાસેથી રૂા.૨૫,૩૫૦ ની રોકડ કબ્જે કરીને જુગાર અંગેનો ગુનો દાખલ કરેલ છે.
વરલી જુગાર
માળીયા મીયાણામાં વાગડિયા ઝાપાથી આગળના ભાગમાં અખાડા પાસે વરલી જુગારના આંકડા લેવામાં આવતા હોવાની હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવતા આદમભાઈ અલ્યાસભાઈ ભટ્ટી જાતે મીંયાણા (ઉમર ૩૨) રહે.જુના રેલ્વે સ્ટેશન વાડા વિસ્તાર માળીયા મીયાણા વાળો જુગારના આંકડા લેતા મળી આવ્યો હોય પોલીસે તેની પાસેથી ૫૧૦ ની રોકડ કબ્જે કરી માળિયા પોલીસ સ્ટેશન ખાતે જુગાર અંગેનો ગુનો નોંધીને આગળની કાર્યવાહી હાથ ધરી છે.
મહિલા સારવારમાં
હળવદના મયુરનગર વિસ્તારમાં રહેતા લીલાબેન ભીમસિંહભાઈ ધાનક નામની ૨૮ વર્ષીય મહિલાને સાપ કરડી જતા સારવાર માટે અત્રેની સિવિલે લાવવામાં આવ્યા હતા. જ્યારે મોરબીના લીલાપર રોડ ઉપર આવેલા પ્રધાનમંત્રી આવાસ યોજનાના ક્વાટર પાસે મારામારીના બનાવમાં ઇજાઓ થતા જીતેશભાઈ નીતિનભાઈ દેવીપુજક નામના ૧૪ વર્ષના સગીરને ઇજાઓ થતા સારવાર માટે ખસેડાયો હતો.
અટકાયત
મોરબીના સીટી એ ડિવિઝન પોલીસ સ્ટેશન ખાતે નોંધાયેલા પશુ અતિક્રમણના ગુનામાં તપાસ અધિકારી અશ્વિનભાઈ ઝાપડિયા દ્વારા જેઠાભાઈ નામોરીભાઈ મહેશ્વરી (ઉંમર ૫૩) રહે.નારાયણ સરોવર લખપત કચ્છ (ભુજ) વાળાની ધરપકડ કરવામાં આવી હતી
