મોરબી જિલ્લાની ગ્રામ પંચાયતોમાં ઓનલાઇન વેરા ભરવાનું શરૂ
SHARE
JOIN OUR GROUP
મોરબી જિલ્લાની ગ્રામ પંચાયતોમાં ઓનલાઇન વેરા ભરવાનું શરૂ
ભારત સરકાર દ્વારા "DIGITAL INDIA CAMPAIGN" અંતર્ગત રાજ્યની તમામ ગ્રામ પંચાયતો ખાતે BHIM/UI ના માધ્યમથી ઓનલાઇન ચુકવણા સ્વીકારી શકાય અને પેપરલેસ વહીવટ તરફ અગળ વધી શકાય તે માટે મોરબી જિલ્લાની તમામ ૩૬ર ગ્રામ પંચાયતો ખાતે "QR CODE" મારફત ઓનલાઇન વેરા સ્વીકારવાની સરાહનીય કામગીરીની શરુઆત કરવામાં આવી છે.
ટેકનોલોજીના ઉપયોગથી ગ્રામ્ય વિસ્તારમાં રહેતા છેવાડાના માનવીનું જીવન પણ સરળ બની શકે તે માટે ગ્રામ પંચાયતોમા વેરા વસુલાત માટે ઇ-પેમેન્ટ સિસ્ટમ લાગુ કરવામા આવી છે. જિલ્લા વિકાસ અધિકારી ડિ.ડિ.જાડેજાના માર્ગદર્શન હેઠળ આ "QR CODE" ની સુવિધા હવે દરેક ગ્રામ પંચાયત ખાતે ઉપલબ્ધ કરાઈ છે. આ સુવિધાર્થી લોકો માટે નાણાંકીય વ્યવહાર સરળ બનશે. આ પેમેન્ટ ઓનલાઇન થતું હોવાથી ગ્રામજનોએ વેરો ભરવા ગ્રામ પંચાયત કચેરીએ રૂબરૂ જવાની પણ જરુર નથી. તલાટી કમ મંત્રી પાસેથી "QR CODE” મેળવી ઘરે બેઠા વેરો ભરી શકાશે જેને લીધે ગ્રામજનોનો સમય બચશે અને તેઓ પોતાની અનુકુળતાએ વેરો ભરી શકશે.
