વાંકાનેરના જાલી ગામ પાસેથી દેશી તમંચા સાથે યુવાન ઝડપાયો
SHARE
JOIN OUR GROUP
વાંકાનેરના જાલી ગામ પાસેથી દેશી તમંચા સાથે યુવાન ઝડપાયો
(કેતન ભટ્ટી દ્વારા) વાંકાનેર તાલુકાનાં જાલી ગામનાં બસ સ્ટોપ પાસેથી દેશી તમંચો અને કારતૂસ સાથે કારમાં આવી રહેલ યુવાનને વાંકાનેર શહેર પોલીસ દ્વારા ઝડપી પાડવામાં આવ્યો હતો.
આધારભૂત પ્રાપ્ત માહિતી મુજબ વાંકાનેર શહેર પોલીસ ડી. સ્ટાફ ગઈ કાલે રાત્રે પેટ્રોલીંગમાં હતો એ દરમ્યાન એ.એસ.આઈ. હીરાભાઈ મઠીયા અને હરપાલસિંહ પરમારને મળેલ બાતમીનાં આધારે પોલીસ સ્ટાફ વાંકાનેર તાલુકાનાં જાલી ગામ ખાતે દોડી ગયા હતાં, જાલીનાં બસ સ્ટોપ પાસે સફેદ રંગની આઈ ટ્વેન્ટી કાર નં. જી. જે. O3 જે. સી. 5544 ની તલાશી લેતાં તેમાંથી દેશી તમંચો અને બે કારતૂસ સાથે આરોપી શૈલેષ રાજા સિહોરા(કોળી) ઉ. વ. 24 રહે. કોરડા, તા. ચૂડા, જિ. સુરેન્દ્રનગરને ઝડપી લેવામાં આવ્યો હતો, અને આ બાબતે પોલીસ દ્વારા આ યુવાનની પૂછપરછ કરતાં તેણે જણાવ્યું હતું કે પોતાની પત્ની પોતાના પુત્રને લઈને વાંકાનેરનાં હસનપર ખાતે રિસામણે હોય તે ત્યાં જઈ રહ્યો હતો, ત્યારે આ યુવાન કોઈ ગુન્હાને અંજામ આપે તે પહેલાં જ વાંકાનેર શહેર પોલીસ ડી. સ્ટાફનાં હીરાભાઈ મઠીયા અને હરપાલસિંહ પરમાર સહિતના સ્ટાફે તેને ઝડપી પાડી પ્રશંસનીય કામગીરી કરી હતી.
