મોરબીમાં જુગાર રમતા 4 મહિલા સહિત કુલ 10 પકડાયા: 14,200 ની રોકડ કબ્જે
Morbi Today
માળીયા (મી)માં 5 હજારની લાંચ લેતા પકડાયેલ સીએચસીના હેડ ક્લાર્કને 5 વર્ષની સખત કેદની સજા, 10 હજારનો દંડ
SHARE
JOIN OUR GROUP
માળીયા (મી)માં 5 હજારની લાંચ લેતા પકડાયેલ સીએચસીના હેડ ક્લાર્કને 5 વર્ષની સખત કેદની સજા, 10 હજારનો દંડ
માળીયા સામૂહિક આરોગ્ય કેન્દ્રમાંથી સ્વૈચ્છિક નિવૃત્તિ લેનાર સ્ટાફ નર્સ પાસેથી હક રજા, જીપીએફ, વીમા વગેરેના બીલ બનાવવા અને મંજૂર કરાવવા માટે થઈને હેડ ક્લાર્ક દ્વારા 15 હજારની લાંચ લેવામાં આવી હતી અને વધુ 5 હજારની માંગણી કરવામાં આવી હતી જેથી સ્ટાફ નર્સ દ્વારા એસીબીનો સંપર્ક કરવામાં આવ્યો હતો અને ત્યારબાદ છટકુ ગોઠવવામાં આવ્યું હતું જેમાં હેડ ક્લાર્ક 5 હજાર રૂપિયાની લાંચ લેતા રંગે હાથે ઝડપાઈ ગયો હતો જે કેસ મોરબીના બીજા એડિશનલ સેશન્સ જજ સાહેબની કોર્ટમાં ચાલી ગયો હતો જેમાં મદદનીશ સરકારી વકીલ દ્વારા કરવામાં આવેલ દલીલો અને રજૂ કરવામાં આવેલા મૌખિક અને દસ્તાવેજી પુરાવાઓને ધ્યાને રાખીને કોર્ટે આરોપીને પાંચ વર્ષની સખત કેદની સજા અને 10 હજાર રૂપિયાનો દંડ ફટકાર્યો છે
માળીયા મીયાણાના સામુહિક આરોગ્ય કેન્દ્રમાં સ્ટાફ નર્સ તરીકે ફરજ બજાવતા હેમલતાબેન નારણભાઈ શેટ્ટીએ સ્વેચ્છિક નિવૃત્તિ લીધી હતી અને ત્યારબાદ હક રજા, જીપીએફ, વીમા વગેરેના બીલ બનાવવા અને મંજૂર કરાવવા માટે તેની પાસેથી માળિયા સામૂહિક આરોગ્ય કેન્દ્રના હેડ ક્લાર્ક પ્રવિણભાઈ હાજાભાઈ વાજા દ્વારા 15 હજાર રૂપિયાની લાંચ માંગવામાં આવી હતી જે રકમ અલગ અલગ સમયે તેને આપી દેવામાં આવી હતી તેમ છતાં પણ કેટલાક દ્વારા વધુ 5 હજાર રૂપિયાની માંગણી કરવામાં આવી હતી જેથી સ્વેચ્છિક નિવૃત્તિ લેનાર સ્ટાફ નર્સ દ્વારા એસીબીનો સંપર્ક કરવામાં આવ્યો હતો અને ત્યારબાદ માળિયા મીયાણામાં આવેલ બસ સ્ટેશન પાસે હેડ ક્લાર્કને 5 હજારની લાંચ લેતા રંગે હાથે ઝડપી લેવામાં આવ્યો હતો અને આ બનાવ સંદર્ભે રાજકોટ એસીબી પોલીસ સ્ટેશન ખાતે ગુનો નોંધાયો હતો જે કેસ મોરબીના બીજા એડિશનલ સેશન્સ જજ કે.આર.પંડ્યા સાહેબની કોર્ટમાં ચાલી ગયો હતો જેમાં મોરબી જિલ્લાના મદદનીશ સરકારી વકીલ એન.ડી. કારિઆ દ્વારા 8 મૌખિક તથા 42 દસ્તાવેજી પુરાવાઓ રજૂ કરવામાં આવ્યા હતા જેને ધ્યાને રાખીને કોર્ટ દ્વારા આરોપીને 5 વર્ષની સખત કેદની સજા તથા 10 હજાર રૂપિયામાં દંડ ફટકારવામાં આવ્યો છે અને જો દંડની રકમ ભરપાઈ કરવામાં ન આવે તો વધુ એક માસની સજાનો હુકમ કરવામાં આવ્યો છે.
