મોરબીના મહેન્દ્રનગર ગામે ઉછીના 5000 રૂપિયા આપવાની ના કહેતા યુવાનને મોઢા ઉપર માર મારીને જડબામાં ફેક્ચર કરી નાખ્યું
SHARE
JOIN OUR GROUP
મોરબીના મહેન્દ્રનગર ગામે ઉછીના 5000 રૂપિયા આપવાની ના કહેતા યુવાનને મોઢા ઉપર માર મારીને જડબામાં ફેક્ચર કરી નાખ્યું
મોરબીના મહેન્દ્રનગર ગામે રહેતા યુવાન પાસેથી એક શખ્સે 5000 રૂપિયા ઉછીના માંગ્યા હતા ત્યારે યુવાને પૈસા આપવાની ના પાડતા તેને મોઢા ઉપર ઢીકાપાટુનો માર માર્યો હતો અને જડબાના ભાગે ફેક્ચર જેવી ઇજા કરી હતી તેમજ યુવાન અને તેના માતાને જાનથી મારી નાખવાની ધમકી આપી હતી જેથી ભોગ બનેલા યુવાનને સારવાર માટે હોસ્પિટલે લઈ ગયા હતા ત્યારબાદ તેની માતાએ નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે
મોરબીના મહેન્દ્રનગર ગામે સ્મશાનની પાછળના ભાગમાં રહેતા મીતાબેન અજીતભાઈ હળવદિયા (60)એ હાલમાં મોરબી બી ડિવિઝન પોલીસ સ્ટેશન ખાતે અમિતભાઈ ભરતભાઈ હળવદિયા રહે. મહેન્દ્રનગર સ્મશાન પાછળ મંદિરની બાજુમાં મોરબી વાળા સામે ફરિયાદ નોંધાવેલ છે જેમાં જણાવ્યું છે કે આરોપીએ ફરિયાદીના દીકરા સંજય પાસેથી ઉછીના 5,000 રૂપિયા માંગ્યા હતા જે ફરિયાદીના દીકરાએ આપવાની ના પાડતા આ બાબતનો ખાર રાખીને ફરિયાદીના દીકરા સંજયને મોઢા ઉપર ઢીકાપાટુનો માર માર્યો હતો અને ડાબા જડબાના ભાગે ફેક્ચર જેવી ઈજા કરી હતી તેમજ ફરિયાદી અને તેના દીકરાને જાનથી મારી નાખવાની ધમકી આપેલ છે જેથી કરીને ભોગ બનેલ મહિલાએ નોંધાવેલ ફરિયાદ આધારે હાલમાં પોલીસે ગુનો નોંધી આરોપીને પકડવા માટેની તજવીજ હાથ ધરી છે
