માળીયા (મી)ના કુંભારીયા ગામે ગેરકાયદેસર પવનચક્કી માટે 36 અરજીઓ કરવા છતાં કોઈ કાર્યવાહી ન થતાં તાળાબંધીની ચીમકી

માળીયા (મી)ના કુંભારીયા ગામે ગેરકાયદેસર પવનચક્કી ઊભી કરવામાં આવી છે જે બાબતે અરજદાર દ્વારા જિલ્લા સંકલન ફરિયાદ નિવારણ કાર્યક્રમમાં એક બે નહીં પરંતુ 36 જેટલી અગાઉ અરજીઓ કરવામાં આવી છે તો પણ ગેરકાયદેસર પવનચક્કીઓ કાઢવામાં આવી નથી અને કોઈ નક્કર કામગીરી કરવામાં આવેલ નથી જેથી હાલમાં અરજદારે વધુ એક વખત કલેક્ટરને લેખિતમાં રજૂઆત કરીને ગેરકાયદેસર પવનચક્કીઓ બંધ કરવામાં આવે તેના માટેની રજૂઆત કરી છે અને જો આગામી 20 નવેમ્બરના રોજ યોજનાના સંકલન સહ ફરિયાદ નિવારણ કાર્યક્રમ પહેલા કોઈ કાર્યવાહી કરવામાં નહીં આવે તો કલેક્ટર કચેરી ખાતે ફરિયાદ નિવારણના કાર્યક્રમને તાળાબંધી કરવા માટેની ચીમકી ઉચ્ચારી છે

માળીયાના કુંભારીયા ગામે રહેતા રણછોડભાઈ લખમણભાઇ બાબરીયાએ હાલમાં કલેકટરને લેખિત રજૂઆત કરીને તેઓના ગામ પાસે ઊભી કરવામાં આવેલ ગેરકાયદેસર પવનચક્કીઓ બંધ કરાવવામાં આવે તેવી માંગ કરી છે સાથોસાથ આગામી 20 નવેમ્બર સુધીમાં જો કલેક્ટર કચેરી મારફતે યોગ્ય કાર્યવાહી નહીં કરવામાં આવે તો આગામી તારીખ 20 નવેમ્બરના રોજ કલેક્ટર કચેરી ખાતે યોજાનાર સંકલન સહ ફરિયાદ નિવારણ કાર્યક્રમને તાળાબંધી કરવા માટેની ચીમકી ઉચ્ચારી છે વધુમાં તેઓએ જણાવ્યું છે કે તેઓના ગામની પાસે રોડ રસ્તાની નજીક ગેરકાયદેસર રીતે પવનચક્કીઓ ઊભી કરવામાં આવી છે જો પવનચક્કીઓ પડે અને કોઈ જાનહાની થાય તો તેના માટે કલેક્ટર જવાબદાર રહેશે. અને અગાઉ ગેરકાયદેસર પવનચક્કી બાબતે એક કે બે નહીં પરંતુ 36 જેટલી અરજીઓ કરેલ છે તેમ છતાં પણ તંત્ર દ્વારા કોઈ જવાબ આપવામાં આવ્યો નથી અને કામ કરવામાં આવ્યું નથી જેથી આગામી સમયમાં યોજાનાર સંકલન સહ ફરિયાદ નિવારણની બેઠક પહેલા યોગ્ય કાર્યવાહી કરવામાં ન આવે તો કચેરીમાં તાળાબંધી કરવાની ચીમકી ઉચ્ચારી છે.