મોરબીમાં જુગાર રમતા 4 મહિલા સહિત કુલ 10 પકડાયા: 14,200 ની રોકડ કબ્જે

મોરબીમાં દરબારગઢ પાસે આવેલ જાની શેરીમાં જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી જુગાર રમતા ચાર મહિલા સહિત કુલ 10 વ્યક્તિઓ મળી આવ્યા હતા જેથી કરીને પોલીસે 14,200 ની રોકડ સાથે તેની ધરપકડ કરી હતી અને એ ડિવિઝન પોલીસ સ્ટેશન ખાતે ગુનો નોંધી રાબેતા મુજબની કાર્યવાહી હાથ ધરી હતી

મોરબી સીટી એ ડિવિઝન પોલીસની ટીમ પેટ્રોલિંગમાં હતી ત્યારે દરબારગઢ પાસે આવેલ જાની શેરીમાં સ્ટ્રીટ લાઈટના અજવાળે જાહેરમાં જુગાર રમતા હોવાની હકીકત મળી હતી જેના આધારે પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી જુગાર રમતા અમિતભાઈ મોહનભાઈ ગજરા, જયેશભાઈ હમીરભાઇ ખાંભલા, અનિરુદ્ધસિંહ નટુભા ઝાલા, બસિદભાઈ રફીકભાઈ સંજાત, વાલજીભાઈ કરસનભાઈ રાંકજા. જયદીપભાઈ અણદાભાઈ આલ, ઝરીનાબેન સલીમભાઈ સુમરા, અલકાબેન સુભાષભાઈ વાઘેલા, અંજનાબેન હસમુખભાઈ નિમાવત અને નયનાબા નરેન્દ્રસિંહ ઝાલા મળી આવ્યા હતા જેથી પોલીસે તેઓની પાસેથી 14,200 ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે