મોરબીના કોયલી ગામેથી ગુમ થયેલા યુવાનની નદીમાંથી કોહવાઈ ગયેલ હાલતમાં લાશ મળી

મોરબીના કોયલી કાસા ગામેથી યુવાન ગુમા થયો હતો જેને પોલીસ અને પરિવારજનોએ શોધી રહ્યા હતા દરમ્યાન ગામ પાસે આવેલ નદી નજીક બાવળની જાળીમાંથી તેની કોહવાય ગયેલ હાલતમાં લાશ મળી છે જેથી કરીને તાલુકા પોલીસની ટિમ સ્થળ ઉપર પહોચી હતી અને તેના મૃતદેહને હાલમાં ફોરેન્સિક પીએમ માટે રાજકોટ ખસેડવામાં આવેલ છે અને બનવાની નોંધ કરીને પોલીસે આગળની કાર્યવાહી કરવામાં આવેલ છે

જાણવા મળતી મહિતી મુજબ મોરબીના કોયલી કાસા ગામે રહેતો રવિભાઈ વિરાભાઇ કળોતરા (૧૯)  જે માલઢોર ચરાવવા માટે ગયો હતો અને ત્યાર બાદ તે ગુમ થયો હતો જેથી તેના પરિવારજનો શોધતા હતા અને બનાવની મોરબી તાલુકા પોલીસને પણ જાણ કરવામાં આવી હતી દરમ્યાન આજે ગામ પાસે આવેલ ડેમી નદીના કાંઠે બાવળની જાળીમાં લાશ પડી હોવાની મુકેશભાઇ બચુભાઈ ડાંગરે જાણ કરી હતી જેથી તાલુકા પોલીસ સ્ટેશનના જે.પી. પટેલ સ્થળ ઉપર પહોચ્યા હતા અને યુવાનની લાશ કોહવાય ગયેલ હોવાથી ફોરેન્સિક પીએમ માટે રાજકોટ ખસેડવામાં આવેલ છે વધુમાં જે.પી. પટેલ પાસેથી મળતી માહિતી મુજબ યુવાન તેના મિત્રો સાથે અવાર નવાર નદીમાં ન્હાવા માટે જતો હતો અને તેની માનસિક બીમારીની દવા પણ ચાલી રહી હતી તેવામાં તે એકલો ન્હાવા માટે ગયો હતો ત્યારે પાણીમાં ડૂબી જવાથી તેનું મોત નીપજયું હોવાનું હાલમાં દેખાઈ રહ્યું છે જો કે, મોતનું ચોક્કસ કારણ જાણવા માટે બોડીને ફોરેન્સિક પીએમ માટે રાજકોટ લઈ જવામાં આવેલ છે