મોરબી : શ્રી સમસ્ત બ્રહ્મસમાજ દ્વારા આયુષ્યમાન કાર્ડ માટે મહાકેમ્પનું આયોજન
SHARE
JOIN OUR GROUP
મોરબી : શ્રી સમસ્ત બ્રહ્મસમાજ દ્વારા આયુષ્યમાન કાર્ડ માટે મહાકેમ્પનું આયોજન
શ્રી સમસ્ત બ્રહ્મસમાજ મોરબી પ્રમુખ પ્રશાંતભાઇ મહેતા અને મહામંત્રી કેયુરભાઈ પંડ્યા અને અમુલભાઈ જોષીએ યાદીમાં જણાવે છેકે આગામી સમયમાં આયુષ્યમાન કાર્ડ મહાકેમ્પનું આયોજન કરવામાં આવશે.મોરબી તથા આસપાસના વિસ્તારોમાં વસતા ભૂદેવોને જણાવવામાં આવેલ છેકે તા.૨૫-૦૬ થી તા.૨૦-૦૭ સુધીમાં સુચવેલ સ્થળે પોતાના ડોક્યુમેન્ટ જમા કરાવવાના રહેશે.
વધુમાં જણાવવામાં આવેલ છેકે ડોક્યુમેન્ટની પાછળ જે તે વ્યકતિનું નામ, બે અલગ અલગ મોબાઈલ નંબરો તથા સરનામું ફરજિયાત લખવાનું રહેશે. ડોક્યુમેન્ટમાં તાજેતરનો મામલતદારનો આવકનો દાખલો (૪ લાખથી ઓછી આવક), રેશન કાર્ડ, રેશન કાર્ડમાં નામ ધરાવતા તમામ વ્યક્તિના આધારકાર્ડ આપવાના રહેશે.ડોક્યુમેન્ટ જમા કરાવવા માટે સાર્થક વિદ્યામંદિર, કેસર બાગ પાસે,મોરબી-૨ (સમય સાંજે ૪ થી ૬ કલાક મો.૭૦૧૬૩ ૬૩૩૫૦), લાભ અસોસીએટ્સ, ઓમ શોપિંગ સેન્ટર રવાપર મેઈન રોડ (સમય સાંજે ૪ થી ૬ કલાકે મો.૯૪૨૯૪ ૮૪૪૪૦), સિટી વિઝન ઓફીસ, એચડીએફસી બેંક વાળી શેરીમાં, રવાપર રોડ (સમય સાંજે ૪ થી ૬ કલાકે, મો. ૯૮૨૪૨ ૫૩૦૩૭) અથવા ત્રિલોકધામ મંદિર, નવલખી રોડ (સમય સાંજે ૪ થી ૬ કલાક મો.૯૭૨૭૭ ૧૬૧૭૭) ખાતે ડોક્યુમેન્ટ જમા કરાવવાના રહેશે.કેમ્પની તારીખ ડોક્યુમેન્ટ જમા કરાવનારને ફોનથી જણાવવામાં આવશે તેમ યાદીમાં જણાવવામાં આવેલ છે.
